2024 jylǵy 13 sáýir men 11 mamyr aralyǵynda elordada "Taza Qazaqstan. Astana - tazalyq pen tártiptiń úlgisi" aılyǵy ótedi. Árbir turǵyn elordada tazalyq pen tártipti qamtamasyz etýge óz úlesin qosa alady, dep habarlaıdy elorda ákimdiginiń resmı saıty.
Ekologııalyq aılyq sheńberinde qalany, nóser jáne aryq káriz jelilerin sanıtarlyq tazartý, kóshelerdi, trotýarlar men oramishilik aýmaqtardy tazalaý, saıabaqtar men skverlerdegi jasyl jelekterdi kútý boıynsha maýsymdyq agrotehnıkalyq jumystar, saýda nysandaryna irgeles aýmaqtardy jınaý, kógaldar men gúlzarlardy ornatý jónindegi is-sharalar, ruqsat etilmegen qoqystardy joıý júrgiziledi.
Sondaı-aq akııa aıasynda 270 myńnan astam jasyl jelek otyrǵyzý josparlanýda.
Qala kásiporyndarynyń, MIB (PIK), shaǵyn jáne orta bıznes sýbektileriniń (bazarlar, saýda oıyn-saýyq ortalyqtary jáne basqalar), oqý oryndarynyń, eriktiler men barlyq beı-jaı qaramaıtyn azamattardy ekologııalyq aılyqqa qatysýǵa shaqyramyz.
Elorda turǵyndary men qonaqtaryn oramishilik (úı mańyndaǵy) aýmaqtardy tazalaýǵa shaqyramyz.
Memleket basshysy óz úndeýinde kóshelerdi tazartý, eldimekenderdiń aýmaqtaryn kógaldandyrý jáne abattandyrý, sondaı-aq joldardy retke keltirý jónindegi naýqandy júrgizýdiń mańyzdylyǵyn atap ótti.
