Evapýnkterdegi adamdarda bir-birine degen janashyrlyq joqtyń qasy. Bul týraly jýrnalıst, BQO Terekti aýdandyq máslıhat depýtaty Ádilet Orynbasarov Facebook paraqshasyna jazdy, dep habarlaıdy “Adyrna” ulttyq portaly.
“Men bir-aq nárseni uqpaı dalmyn. Neshe kún boıy osy saýaldar sanamnan ketpeıdi. Jumys babymen evakýaııalyq pýnkterde jıi bolamyn. Barǵan saıyn ár adammen sóılesip, jan-dúnıesine úńilgim keledi.
Pýnkterde jaǵdaı birkelki. Jatyn oryn, tamaq bári uıymdastyrylǵan. Árıne óz úıińe jeteri joq. Biraq adamdardyń is-áreketteri....
Bolǵan jaǵdaıdan shok alǵan deıin deseń Terektide osydan bir aptadaǵydaı dúrbeleń joq. Alaıda evapýnkterdegi adamdarda bir-birine degen janashyrlyq joqtyń qasy.
Bir adam jastyq taba almaı sendelip júr. Bir aǵam tórt jastyq salyp alǵan basyna. Bir apaıǵa kórpesine tys kerek. Bir apaı qos-qostan alyp, qalǵanyn úıime áketem deıdi. Bir turǵyn berilgen shaı men maıǵa "Shúkir" deıdi. Myń adam "Bizge banan men alma berińder" dep aıqaı salyp júr. Qyrqysqan, tartysqan adamdar. "Sen tımeseń, men tıme" dep qyryn qarap jatqan qarttar”, dep jazdy ol.
Sondaı-aq, Ádilet búginde “táıt” deıtin aqsaqaldyń joǵyn aıtyp, qynjyldy.
“Buryn bir aqsaqal "Táıt, jaman yrym bastamańdar" degen bir aýyz sózimen bir eldi jónge salyp, myńdaǵan otbasyny ajyrasý men júzdegen aǵaıyndy betjyrtysýdan saqtap qalǵan edi ǵoı.
Sol zaman kelmeske ketti me? Bul ózi qaı zaman?! Álde bul nıetten be? Múmkin bul zalal bizdiń nıetimizge baılanysty berilip jatyr dep oılamaısyzdar ma”, dedi Ádilet Orynbasarov.
