Evapunkterdegı adamdarda bır-bırıne degen janaşyrlyq joqtyŋ qasy. Būl turaly jurnalist, BQO Terektı audandyq mäslihat deputaty Ädılet Orynbasarov Facebook paraqşasyna jazdy, dep habarlaidy “Adyrna” ūlttyq portaly.
“Men bır-aq närsenı ūqpai dalmyn. Neşe kün boiy osy saualdar sanamnan ketpeidı. Jūmys babymen evakuasiialyq punkterde jiı bolamyn. Barǧan saiyn är adammen söilesıp, jan-düniesıne üŋılgım keledı.
Punkterde jaǧdai bırkelkı. Jatyn oryn, tamaq bärı ūiymdastyrylǧan. Ärine öz üiıŋe jeterı joq. Bıraq adamdardyŋ ıs-äreketterı....
Bolǧan jaǧdaidan şok alǧan deiın deseŋ Terektıde osydan bır aptadaǧydai dürbeleŋ joq. Alaida evapunkterdegı adamdarda bır-bırıne degen janaşyrlyq joqtyŋ qasy.
Bır adam jastyq taba almai sendelıp jür. Bır aǧam tört jastyq salyp alǧan basyna. Bır apaiǧa körpesıne tys kerek. Bır apai qos-qostan alyp, qalǧanyn üiıme äketem deidı. Bır tūrǧyn berılgen şai men maiǧa "Şükır" deidı. Myŋ adam "Bızge banan men alma berıŋder" dep aiqai salyp jür. Qyrqysqan, tartysqan adamdar. "Sen timeseŋ, men time" dep qyryn qarap jatqan qarttar”, dep jazdy ol.
Sondai-aq, Ädılet bügınde “täit” deitın aqsaqaldyŋ joǧyn aityp, qynjyldy.“Būryn bır aqsaqal "Täit, jaman yrym bastamaŋdar" degen bır auyz sözımen bır eldı jönge salyp, myŋdaǧan otbasyny ajyrasu men jüzdegen aǧaiyndy betjyrtysudan saqtap qalǧan edı ǧoi.
Sol zaman kelmeske kettı me? Būl özı qai zaman?! Älde būl nietten be? Mümkın būl zalal bızdıŋ nietımızge bailanysty berılıp jatyr dep oilamaisyzdar ma”, dedı Ädılet Orynbasarov.
