Aýyr jaraqattan qaıtys bolǵan Saltanat Núkenovaǵa arnap aqyndar óleń joldaryn arnady, dep habarlaıdy "Adyrna" tilshisi.
9 qarashada Astanadaǵy meıramhanalardyń birinde áıeldiń dene jaraqatynan qaza tapqany belgili bolǵan edi. Áıeldiń ólimine burynǵy Ulttyq ekonomıka mınıstri Qýandyq Bıshimbaev kúdikti ekeni belgili boldy. Artynsha eks-mınıstrdiń ekinshi jarynyń qaza tapqany týraly aqparat shyqty.
Qazir "áıelin azaptap óltirdi" degen aıyppen Bıshimbaevtyń sot otyrysy ótip jatyr.
Aqyn Súndet Seıitov marqumǵa arnap "Saltanat" óleńin jazdy.
Saltanat, kúıge aınaldyń, jyrǵa aınaldyń,
Tirińde gúlden beıbaq kúńge aınaldyń.
Lúpildegen aıaýly júregińniń,
Lúp etip, jarylaryn bilmeı qaldym...
Ómirdiń qadalǵandaı bizi maǵan,
Dál mendeı jaralylar qujynaǵan.
Men tanıtyn Qýandyq momyn-tuǵyn,
...Jo-jo-joq, ol - basqa adam, buzyq adam!
Shoq juldyz aǵyp tústi kókti jaryp,
"Nege? Nege? Nege?" dep, kóp suradyq.
Óz júregiń nelikten tas tóbeńdi,
Judyryqqa aınalyp, soqty baryp?
Jylasa janarynda jas qalatyn,
Halyqty oıatty kep asqaq atyń.
"Saltanat" kúıin shertem saǵan arnap,
Tarıhy senen ǵana bastalatyn.
Al Aldııar Merekeev:
Men óz elim úshin uıalamyn
Sóz bostandyǵy is júzinde joq jerde.
Men áıelderdi qatty aıaımyn, men olardyń bárin jaqsy kóremin,
Bul qaıta-qaıta qaıtalanady.
Men saıasatkerler úshin, halyq úshin uıalamyn,
Biraq meniń bir armanym bar.
Másele týraly aıtsań, aýzyńdy jaýyp tastaıdy,
Men árqashan bári ádil bolǵanyn qalaımyn.
Men erkekterden, patrıarhattan uıalamyn,
Árbir uryp-soǵý týraly jańalyqtar úshin.
Men Saltanatqa qatty ókinemin,
Adam óltirgeni úshin keshirim suraýdy eshkim keshirmeıdi.
Úmit bar, men senemin
Er adamdar óz qatelikterin túsinetin bolady.
Meniń armanym oryndalady dep
Al qurbandar men azaptaýlar az bolady.
Aqyrynda aıtarym,
Bul áli sizdiń qolyńyzda.
Jáne árkimniń ekinshi múmkindigi bar
Men bolashaqqa, óz elime senemin.
Jeli oqyrmany Jazıra Imanalı esimdi arý Instagram jelisinde marqumǵa arnap óleń joldaryn qaldyrǵan:
Kúlimkóz qaraǵym, jaıdary jamalyń,
Kúlkińdi kóp kórdi, qaskúnem adamyń ...
Sharasyz boldyń aý, qursaýda qamalyp,
Jarqynym, aq suńqar jazyqsyz mert boldyń.
Aıta keteıik, jelide "Saltanat úshin, za Saltanat" heshtegterimen túrli beıne-rolıkter tarap, chellendj bastalǵan.
