Túrkistan oblysynda 29 jastaǵy kelinshek qudyqqa qulap qaıtys bolǵany týraly aqparat tarady. Marqumnyń týystary áleýmettik jelide bul jaıtqa qatysty áli kúnge tergeý jumystary júrgizilmeı jatqanyn aıtyp narazylyǵyn bildirdi, dep habarlaıdy «Adyrna» tilshisi Otyrar.kz-ke silteme jasap.
Qaıǵyly oqıǵa 18 naýryzda Maıtóbe aýyly mańynda bolǵan. Polıııa is «ózin-ózi óltirýge deıin jetkizý» baby boıynsha tirkegenin málimdedi. Qazir tergeý jumysy júrip jatyr.
«Qazir «ózin-ózi óltirýge deıin jetkizý»baby boıynsha tergeý júrgizilip jatyr. Nátıjeleri boıynsha zańdy proessýaldyq sheshim qabyldanady»,–deıdi Túrkistan oblysy PD baspasóz qyzmeti ókili.
40 metrden asa tereńdikten arnaıy quraldarymen tartyp shyǵarylǵan áıeldiń týystary onyń ózine qol jumsaýy múmkin emes dep sanaıdy. Sebebi qaıtys bolǵan áıeldiń basynda isik pen denesiniń kógergen jerleri bolypty. Sonymen qatar, bir ýys shashy marqumnyń qolynnan tabylǵan. Al kúıeýiniń sózinshe, olar tipti birge shetelge saıahat jasaýdy da josparlaǵan.
«Men jumysta edim. Sol kúni túnde sóıleskende bári jaqsy bolǵan. Tashkentke qalaı baratynymyzdy, qaıda qydyratynymyzdy talqylaǵanbyz. Al ertesine tanystarymyz maǵan áıeliń qudyqqa túsip, qaıtys boldy dep habarlasty. Onda da ózine qol jumsaǵan deıdi. Ol múmkin emes. Qudyqtyń ishine túsken qyz bir qolynyń joǵary, ekinshi qolynyń tómen turǵanyn aıtty. Eger ózi qulasa eki qoly da joǵaryda bolmaı ma? Qulap bara jatqan kezde jantalasyp aınalasyn ustaý kerek qoı. Tyrnaǵynyń arasynda ondaı belgiler bolmaǵan. Ústinde kúrtesi bolǵanymen aıaǵynda aıaqkıimi joq. Al ishindegi kıimi jyrtylyp ketken. Biz ony qudyq ishine ádeıi bireý laqtyryp jibergen dep oılaımyz. Sebebi áıelim ol jerdi bilmeıdi. Ómirinde ol jerge baryp kórmegen»,—deıdi marqumnyń kúıeýi.
Al Svetlana Chernyhtyń enesi kelinin bireý qasaqana óltirýi múmkin dep sanaıdy.
«Men istiń mán jaıyn bilýge polıııaǵa barǵanda bir-birine sýııd boıynsha týystary keldi dedi. Alaıda qazirge deıin eshkimnen suraq-jaýap almady, ekspertıza júrgizip jatyr ma, aıtpady. Al kýágerdi 1 kúnnen soń shyǵaryp jibergen. Sol kisi kelinimdi sonda aparǵan. Jaǵdaıdy estı sala qudyqqa barǵan kezde, álgi bala sonda júrdi. Mas. Meniń kelinim ólip jatsa, sonda ertip aparǵan adam máz bolyp turdy. Munda kúmán bar. Ol jigit kelinimdi "ólgim keledi" dep sekirip ketti" dep aıtty bárine. Biraq kishkentaı ǵana qubyrǵa qalaı syıdy. Qalaı sekiredi onda? Birden sekirip ketýi múmkin emes. Sekirse de, nege qasyndaǵy jigit ustap qalýǵa tyryspady. Birinshi barǵan anasy ishinen qutqaryńdar degen sózdi estipti»,— deıdi ol.
Aıta keteıik, marqumnyń artynda 3 bala qaldy. Onyń úlkeni 9-da bolsa, kishisi nebári 4 jasta.
