Türkıstan oblysynda 29 jastaǧy kelınşek qūdyqqa qūlap qaitys bolǧany turaly aqparat tarady. Marqūmnyŋ tuystary äleumettık jelıde būl jaitqa qatysty älı künge tergeu jūmystary jürgızılmei jatqanyn aityp narazylyǧyn bıldırdı, dep habarlaidy «Adyrna» tılşısı Otyrar.kz-ke sılteme jasap.
Qaiǧyly oqiǧa 18 nauryzda Maitöbe auyly maŋynda bolǧan. Polisiia ıs «özın-özı öltıruge deiın jetkızu» baby boiynşa tırkegenın mälımdedı. Qazır tergeu jūmysy jürıp jatyr.
«Qazır «özın-özı öltıruge deiın jetkızu»baby boiynşa tergeu jürgızılıp jatyr. Nätijelerı boiynşa zaŋdy prosessualdyq şeşım qabyldanady»,–deidı Türkıstan oblysy PD baspasöz qyzmetı ökılı.
40 metrden asa tereŋdıkten arnaiy qūraldarymen tartyp şyǧarylǧan äieldıŋ tuystary onyŋ özıne qol jūmsauy mümkın emes dep sanaidy. Sebebı qaitys bolǧan äieldıŋ basynda ısık pen denesınıŋ kögergen jerlerı bolypty. Sonymen qatar, bır uys şaşy marqūmnyŋ qolynnan tabylǧan. Al küieuınıŋ sözınşe, olar tıptı bırge şetelge saiahat jasaudy da josparlaǧan.
«Men jūmysta edım. Sol künı tünde söileskende bärı jaqsy bolǧan. Taşkentke qalai baratynymyzdy, qaida qydyratynymyzdy talqylaǧanbyz. Al ertesıne tanystarymyz maǧan äielıŋ qūdyqqa tüsıp, qaitys boldy dep habarlasty. Onda da özıne qol jūmsaǧan deidı. Ol mümkın emes. Qūdyqtyŋ ışıne tüsken qyz bır qolynyŋ joǧary, ekınşı qolynyŋ tömen tūrǧanyn aitty. Eger özı qūlasa ekı qoly da joǧaryda bolmai ma? Qūlap bara jatqan kezde jantalasyp ainalasyn ūstau kerek qoi. Tyrnaǧynyŋ arasynda ondai belgıler bolmaǧan. Üstınde kürtesı bolǧanymen aiaǧynda aiaqkiımı joq. Al ışındegı kiımı jyrtylyp ketken. Bız ony qūdyq ışıne ädeiı bıreu laqtyryp jıbergen dep oilaimyz. Sebebı äielım ol jerdı bılmeidı. Ömırınde ol jerge baryp körmegen»,—deidı marqūmnyŋ küieuı.
Al Svetlana Chernyhtyŋ enesı kelının bıreu qasaqana öltıruı mümkın dep sanaidy.
«Men ıstıŋ män jaiyn bıluge polisiiaǧa barǧanda bır-bırıne suisid boiynşa tuystary keldı dedı. Alaida qazırge deiın eşkımnen sūraq-jauap almady, ekspertiza jürgızıp jatyr ma, aitpady. Al kuägerdı 1 künnen soŋ şyǧaryp jıbergen. Sol kısı kelınımdı sonda aparǧan. Jaǧdaidy esti sala qūdyqqa barǧan kezde, älgı bala sonda jürdı. Mas. Menıŋ kelınım ölıp jatsa, sonda ertıp aparǧan adam mäz bolyp tūrdy. Mūnda kümän bar. Ol jıgıt kelınımdı "ölgım keledı" dep sekırıp kettı" dep aitty bärıne. Bıraq kışkentai ǧana qūbyrǧa qalai syidy. Qalai sekıredı onda? Bırden sekırıp ketuı mümkın emes. Sekırse de, nege qasyndaǧy jıgıt ūstap qaluǧa tyryspady. Bırınşı barǧan anasy ışınen qūtqaryŋdar degen sözdı estıptı»,— deidı ol.
Aita keteiık, marqūmnyŋ artynda 3 bala qaldy. Onyŋ ülkenı 9-da bolsa, kışısı nebärı 4 jasta.
