Elimizde altynnyń 20-25 jylǵa jetetin qory bar. Bul jaıly Geologııa komıtetiniń tóraǵasy Erlan Aqbarov málimdedi, dep habarlaıdy «Adyrna» tilshisi.
«Qazirgi tańda Qazaqstanda altynnyń 2 300 tonna geologııalyq qory bar. Jyl saıyn taǵy 90 tonna óndiriledi. Jalpy alǵanda altynnyń 20-25 jylǵa jetetin qory bar»,—dedi ol 4 sáýir kúni OKQ-da ótken baspasóz máslıhatynda.
Tóraǵa aldaǵy ýaqytta barlaý jumystary jalǵasyn taýyp, jetildiriletinin atap ótti.
«2022 jyly geologııa salasyn damytýdyń tujyrymdamasy bekitildi. Sol tujyrymdamadaǵy bizdiń birinshi baǵytymyz – memlekettiń geologııalyq zertteý jumystarynyń tıimdiligin arttyrý. Ol – 200-dik masshtabtan 50 myńdyń masshtabqa kóshý. 50 myńdyq masshtab aýmaqtardy tolyq anyqtaýǵa múmkindik beredi»,—dep tolyqtyrdy Erlan Aqbarov.
