Energetıka mınıstri Almasadam Sátqalıev jylý qyzmetteri tarıfterin kóterý kerektigin aıtty, dep habarlaıdy "Adyrna" ulttyq portaly.
«Jylý qyzmetterine keletin bolsaq, shartty túrde, ıá, olardy kóbeıtý kerek. Bul árbir jeke kásiporynǵa baılanysty. Jalpy, jylý ortalyqtarynyń tozýy shamamen 70 paıyzdy qurap otyr», - dep jaýap berdi Almasadam Satqalıev tarıfterdi kóterý qajettigi týraly suraqqa.
Bul rette ol baǵanyń birden óspeıtinin atap ótti.
"Bul sharalar shuǵyl qabyldandy. Óıtkeni shuǵyl áreket etý qajet boldy. Kásiporyndar energetıka salasyndaǵy kásibı mamandardyń jalaqysyn salalyq ortasha jalaqy deńgeıine kóterý úshin jáne qysqy merzimge jóndeý jumystaryn júrgizý maqsatynda tarıfterdi kóterýdi surady. Onyń ózinde keıbir salalarda jumysshylardyń jalaqysy salalyq ortasha jalaqy deńgeıine jetpegenin aıtqym keledi. Ótken jolǵy tarıfterdiń kóterilýi osy eki sebepke – stanııalardyń tozýymen jáne jalaqy kóterý máselesimen baılanysty boldy»,– dedi Sátqalıev.
Jýrnalısterdiń «aldaǵy ýaqytta tarıfter dál osylaı eki ese kóterilip ketpeı me?» degen suraǵyna mınıstr: «Bul kásiporyndardyń ótinishterine baılanysty. Ótinishterin qabyldap alǵan soń ǵana tarıfterdiń qanshalyqty kóteriletinin naqty aıta alamyz»,- dep jaýap berdi.
Aıtýynsha, ótken jyly kásiporyndar tarıfterdi 60-70 paıyzǵa kóterý jóninde ótinish bildirgen. Biraq mınıstrlik 30 paıyz deńgeıinde kóterý týraly sheshim shyǵarǵan.
