Qazaqstan bankteri sý tasqynynda zardap shekkenderge kómek kórsetpek, dep habarlaıdy "Adyrna" tilshisi Caravan.kz-ke siltep.
Bul týraly Qazaqstan qarjygerler qaýymdastyǵy habarlaǵan.
«Ekinshi deńgeıli bankter sý tasqyny saldaryn joıýǵa jáne tótenshe jaǵdaıdan zardap shekken turǵyndarǵa, sondaı-aq kásipkerlerge qoldaý kórsetýge arnalǵan shuǵyl sharalardy qoldaıdy», — delingen habarlamada.
Otandyq bankter 1 sáýirden bastap 30 maýsymǵa deıin jergilikti atqarýshy organdardyń tizimi boıynsha sý tasqynynan zardap shekkender qataryna engen qaryz alýshylardyń kredıtti óteý merzimin uzartpaq. Odan bólek qarjylyq jaǵdaıy nasharlaǵan qaryz alýshylarǵa tólemdi ýaqtyly tólemegeni úshin aıyppul men ósimpul eseptelmeıtini aıtyldy.
