Kókshetaýda sý tasqanyna baılanysty tótenshe jaǵdaı jarııalandy. Bul týraly qala ákimi Baýyrjan Ǵaısa aıtty, dep habarlaıdy «Adyrna» tilshisi.
Shahar basshysy Qylshaqty ózenindegi sýdyń deńgeıi shamadan tys kóterilýi turǵyndardyń ómir súrýine qolaısyzdyq týǵyzǵanyn málimdedi.
«Jaǵdaıdy turaqtandyrý úshin Tótenshe jaǵdaı engizildi. Sonyń sheńberinde keltirilgen shyǵyn kólemi anyqtalyp, komıssııa arqyly materıaldyq kómek máselesi sheshiletin bolady. Sý tasqynynan keltirilgen zalaldardy joıý boıynsha jedel shtab quryldy. Sý basqan aımaqtardaǵy turǵyndardy evakýaııalaý jumystary júrgizilýde, qazirgi kezde 100 jýyq adam arnaıy daıyndalǵan oryndarǵa ornalastyryldy. Jerlesterime jaǵdaıdy túsingenińiz úshin jáne sý tasqynyna qarsy kúreste qoldan kelgenshe kómek kórsetkenińiz úshin alǵys aıtamyn»,—dedi ol.
Baýyrjan Ǵaısa zardap shekkenderge kómek kórsetiletinin atap ótti.
«Turǵyndar 8 775 666 99 08 nómiri arqyly ótinish bere alady»,—dedi Kókshetaý ákimi.
