Memleket basşysy Qasym-Jomart Toqaev Altai Kölgınovtı Qazaqstannyŋ Estoniiadaǧy elşısı qyzmetıne taǧaiyndady, dep habarlaidy "Adyrna" ūlttyq portaly Aqordanyŋ baspasöz qyzmetıne sıltep.
«Memleket basşysynyŋ Jarlyǧymen Altai Seidırūly Kölgınov Qazaqstan Respublikasynyŋ Estoniia Respublikasyndaǧy Tötenşe jäne Ökılettı Elşısı qyzmetıne taǧaiyndaldy», - delıngen habarlamada.
Nūrlan Seitımov būl qyzmetten bosatyldy.
Kölgınov 2023 jyldyŋ mausymyna deiın Premer-Ministrdıŋ orynbasary qyzmetınde boldy. Oǧan deiın ol Astana, Batys Qazaqstan oblysynyŋ jäne Oral qalasynyŋ äkımı bolǧan.
Kölgınov elde koronavirus jailaǧan kezde "Nūrsūltan" atalǧan Astananyŋ äkımı bolatyn. El astanasy sol kezde pandemiiadan eŋ qatty zardap şekken qalanyŋ bırı boldy. Sol üşın de 2020 jyly Prezident Toqaev Altai Kölgınovke eskertu de jasaǧan.
Mūnyŋ syrtynda, Altai Kölgınov qalada, jalpy elde koronavirustan köz jūmǧandar sany artyp, elde därı-därmek jetıspei, auruhanalar lyqa tolǧan kezde 2020 jyly 6 şılde, "Astana künı" (Nazarbaevtyŋ da tuǧan künı) qalada ülken otşaşu ūiymdastyrǧanymen de atyşuly bolǧan. Ol astana äkımı qyzmetınen su dauyna qatysty bosaǧan.
Ūqsas jaŋalyqtar
