Qonaev qalasynda jas jıgıtter student qyzdy, ūryp öltırgen. Būl turaly NeMolchi qorynyŋ basşysy Dinara Smaiylova Facebook-tegı paraqşasynda jazdy, dep habarlaidy “Adyrna” ūlttyq portaly.
Dinara Smaiylovanyŋ jazuynşa, marqūm kolledjde aspaz mamandyǧy boiynşa oqyp jürgen. Al qylmysqa qatysty küdıktıler 18-21 jas aralyǧynda eken.
«Qyz olardyŋ bırımen 7 nauryzda tanysqan. Bıraq şamamen nauryzdyŋ 14-ınen 15-ıne qaraǧanda studenttı qatygezdıkpen öltırıp ketken. Olar onyŋ telefonyn alyp, özderıne nesie räsımdegen. Qalanyŋ syrtyna alyp şyǧyp, soiylmen ūryp-soǧyp, dalaǧa tastap ketken. Qyzdyŋ tuystaryna mäiıttıŋ 21 nauryzda tabylǧany habarlanǧan. Äpkesı ony mäiıthanalardan özı ızdegen, sebebı studenttıŋ denesı qai jerde ekenın eşkım aitpapty. Mäiıtın tapqan kezde denesınen kögergen, qolynda jıptıŋ ızı qalǧanyn körgen», – dep jazdy qor basşysy.
Al Qonaev qalasynyŋ polisiiasy küdıktılerdı ūstaǧan. Bıraq marqūmnyŋ jaqyndary 2 adamnyŋ ūstalǧanyn, alaida taǧy 2 adamnyŋ bostandyqta ekenın jetkızgen. Sondyqtan olar qylmyskerler jazasyz qala ma dep qorqady.
Jetısu oblystyq polisiia departamentı būl derekke qatysty älı pıkır bıldırmedı.
Ūqsas jaŋalyqtar
