Erdoǵan Qytaıǵa qatysty tosyn málimdeme jasady

3275

Túrkııa basshysy Qytaı men Túrkııa arasyndaǵy óshpendilikti qozdyrýǵa jol berilmeıtinin aıtty

Túrkııa prezıdenti Rejep Taıyp Erdoǵan Qytaıdyń Shyńjań-Uıǵyr avtonomııalyq aýdanyndaǵy etnıkalyq toptardyń barlyǵy baqytty ómir súrip jatqanyn málimdedi, dep habarlady RIA Novostı.

Buǵan deıin túrik bıligi Qytaıdy Shyńjańdaǵy uıǵyrlarǵa qysym kórsetip, olardy túzetý lagerlerinde májbúrlep ustap otyr dep aıyptaǵan edi. Alaıda Erdoǵan Qytaıǵa sapary kezinde basqasha sóıledi.

"Qytaıdyń Shyńjań ólkesindegi barlyq halyq baqytty ómir súrip jatyr, túrik tarapy eshkimge Qytaı men Túrkııa arasyndaǵy óshpendilikti qozdyrýǵa jol bermeıdi", - dedi Erdoǵan QHR tóraǵasy Sı zınpınmen kezdesýinde.

Ol Túrkııanyń radıkalızmge qarsy ekenin jáne saıası senim men qaýipsizdikti nyǵaıtýdy qoldaıtynyn aıtty.

Aqpan aıynda Túrkııa syrtqy ister mınıstrliginiń ókili Hamı Aksoı Qytaıdy etnıkalyq uıǵyrlardyń quqyqtaryn qurmetteýge jáne olardy kúshtep qamaýda ustaýǵa arnalǵan lagerlerdi jabýǵa shaqyrdy.

Aksoı "21-ǵasyrda konentraııalyq lagerlerdiń qaıtadan paıda bolýy –  búkil adamzat úshin masqara" dep málimdedi. Onyń aıtýynsha, "mıllıonnan astam uıǵyr túrmelerde jáne konlagerlerde kúshtep ustaý, azaptaý jáne ıdeologııalyq ońaltý saıasatymen betpe-bet kelgen".

Qytaı syrtqy ister mınıstrligi bul málimdemeni "jıirkenishti" dep atap, narazylyq bildirdi. Naýryz aıynyń basynda Qytaıdyń Túrkııadaǵy elshiligi osy málimdeden keıin Qytaıdyń Izmırdegi Bas konsýldyǵyn ýaqytsha jabatynyn jarııalady.

Aıta keteıik, buǵan deıin Qytaıda myńǵa jýyq etnıkalyq qazaq saıası tárbıeleý lagerlerinde otyrǵany habarlanǵan edi. Qazaqstan syrtqy ister mınıstrligi olardy bosatý jumystaryn júrgizip jatyr jáne Qazaqstan azamattyǵyn alyp, tarıhı otanyna oralýǵa kómektesýde.

Qytaıda 1,5 mıllıonnan astam etnıkalyq qazaq turady.

Sputnik

Pikirler