Búgin kún men tún teńelip, astronomııalyq jańa jyl bastaldy, dep habarlaıdy "Adyrna".
Is barysynda bul Naýryzdyń bastalýy bolyp tabylady. Kún kúntizbesin qoldanatyn Iran sııaqty elderde astronomııalyq esep boıynsha Naýryz merekesin toılaýdy búginnen bastap ketti.
Kún men tún kóktemde jáne kúzde teńeledi. Aspan deneleriniń júrisi boıynsha, soltústik jarty sharda kóktemgi kún men túnniń teńelýi bıyl 20 naýryzǵa sáıkes keldi. Kún ońtústik jarty shardan soltústik jarty sharǵa aýysqanda kóktemgi kún men tún teńeledi.
Kún men túnniń teńelý merzimi ár jyly ózgerip turady. Ádette, ár jyldary 19 naýryz ben 22 naýryz arasynda aýysyp keledi.
Bıylǵy kún men túnniń teńelý ýaqyty 20 naýryz kúni Astana ýaqytymen tańǵy saǵat 8-den 6 mınýt ýaqytqa sáıkes keldi. Iaǵnı, osy sátte Kún ońtústik jarty shardan soltústik jarty sharǵa aýysty.
Qazaqstan Táýelsizdik alǵan kezde 22 naýryzdy Naýryz merekesi, Ulystyń uly kúni retinde atap ótti. Keıinnen bul merekeni naýryzdyń 21-inen bastap toılaıtyn boldy.
