«Qaztemırtrans» kompaniiasynyŋ üş qyzmetkerı men 16 käsıpker para alǧany üşın sottaldy, dep habarlaidy ”Adyrna” ūlttyq portaly Bas kölık prokuraturasynyŋ baspasöz qyzmetıne sıltep.
«18 nauryzda qylmystyq ıs sotta qaraldy. Sot ükımımen «Qaztemırtrans» AQ tört qyzmetkerı sybailas jemqorlyq qylmysyn jasaǧany, atap aitqanda para alǧany üşın kınälı dep tanyldy. Üşeuı türlı merzımge bas bostandyǧynan aiyryldy», - delıngen habarlamada.
Is materialdaryna säikes, 2019-2022 jyldar aralyǧynda jükterdı tasymaldauǧa qajettı vagondar tapşylyǧy jaǧdaiynda «Qaztemırtrans» AQ filialynyŋ lauazymdy tūlǧalary jük jöneltuşıler men olardyŋ ökılderınen jük tasymaldauǧa vagondardy kedergısız beru üşın para alǧan.
Para bergen 16 käsıpker de kınälı dep tanylsa, onyŋ 15-ı öz kınäsın tolyq moiyndap, qylmystyŋ aşyluyna üles qosyp, ıstegen ısıne ökıngendıkten bosatyldy.
Kınäsın moiyndamaǧan bır käsıpkerge 49 million teŋge kölemınde aiyppūl türındegı qylmystyq jaza qoldanyldy.
«Sybailas jemqorlyq qylmysyn bırınşı ret jasaǧan adamdy ökınuıne bailanysty qylmystyq jauaptylyqtan tek sot qana bosatuy mümkın (QK 65-baby), - dep eske saldy prokuratura.
Ūqsas jaŋalyqtar
