Pavlodar oblysynda audan äkımınıŋ ūly oquşy qyzdy soqqyǧa jyqqan. Aqparatty Bılım ministrlıgı rastady, - dep habarlaidy "Adyrna" ūlttyq portaly.
Ortalyq kommunikasiialar qyzmetınde ötken brifingte jurnalist bılım vise-ministrı Edıl Ospannan osy jaǧdaiǧa qatysty män-jaidy sūrady:
«Pavlodar oblysynda audan äkımınıŋ ūly mektep qabyrǧasynda qyzdy ūryp-soǧyp, mūrnyn syndyrǧany turaly aqparat jelıde paida boldy. Qyzdyŋ anasy dūrys tärbie bermegenı üşın äkımşılık jauapkerşılıkke tartyldy. Osy jaǧdaiǧa qatysty pıkırıŋızdı tyŋdap, bılgım keledı. Nelıkten qyzdy ūrǧan ūl men onyŋ ata-anasy jauapqa tartylmady» degen sūraq qoiyldy.
Bılım vise-ministrı būl derektı rastady.
«İä, şynynda da mūndai fakt bolǧan. Men barşaǧa aitqym keletını, bız äleumettık jelılerde paida bolǧan ärbır jaǧdaidy mūqiiat tekserıp, tiıstı memlekettık organdarǧa habarlaimyz. Osy faktıge süiene otyryp, men qazır tergeu jürıp jatqanyn, tiısınşe şara qoldanylatynyn habarlaimyn. Tuystyq bailanysqa qatysty aitar bolsam, menıŋ bıluımşe tuystyq bailanystyŋ bar ekenı rastaldy», - dedı Ospan.
Aqparatqa balalar qūqyǧyn qorǧau komitetı töraǧasynyŋ orynbasary Iýliia Ovechkina da tüsınıkteme berdı. Onyŋ aituynşa, janjal aǧymdaǧy jyldyŋ qaŋtar aiynda Pavlodar oblysyndaǧy mektepterdıŋ bırınde bolǧan.
"Şynymen de, būl fakt oryn aldy. Ol aǧymdaǧy jyldyŋ qaŋtar aiynda tırkelgen. Bızge belgılı bolǧandai, bügınde ıs kämeletke tolmaǧandar ısterı jönındegı sotta qaralyp jatyr, balanyŋ ata-anasyn äkımşılık jauapkerşılıkke tartu boiynşa jinalys ötıp ülgerdı", - dedı ol.
Aita keteiık, būǧan deiın äleumettık jelıde zardap şekken qyzdyŋ anasynyŋ ündeuı şyqqan bolatyn. Poliseiler jaǧdaidy anyqtap, Pavlodarda 7-synyp oquşysy men 6-synyp oquşysy arasynda janjal bolǧanyn habarlady. Oqiǧa saldarynan qyz auruhanaǧa jatqyzyldy. Poliseiler balanyŋ äreketın densaulyqqa qasaqana jeŋıl ziian keltıru dep baǧalaǧan. Is materialdary sotqa joldandy.
Sondai-aq, qalalyq mäslihat deputaty Güljaina Därımova atalmyş kikıljıŋge qatysty kışkentai qyzdy «balany sondai emosiiaǧa jetkızgen özı» dep aiyptaǧan bolatyn.
Ūqsas jaŋalyqtar
