Qazaq áıelderi arasynan shyqqan tuńǵysh ınjener, qoǵam qaıratkeri Mádına Begalıevanyń týǵanyna 125 jyl, dep jazady "Adyrna".
Mádına Begalıeva 1899 jyly 19 naýryzda burynǵy Bókeı Ordasy, Batys Qazaqstan oblysynyń Jánibek aýdanynda dúnıege kelgen.
Qazaq áıelderi arasynda birinshi bolyp «Tehnıka ǵylymdarynyń kandıdaty» degen ǵylymı sheni bolǵan. Balqash mys zaýytyn jobalaýǵa qatysyp, qurylys alańynda alǵashqy kúnderden bastap jumys istegen. Ol patrıarhal tártipke qarsy kúresip, qazaq qyzdarynyń quqyǵyn qorǵaǵan.
Han ordasyndaǵy (qazirgi Orda aýyly) úsh jyldyq pedagogıkalyq kýrsty, Ordadaǵy Búkilodaqtyq Kommýnıstik (bolshevıkter) partııa mektebin, Búkilodaqtyq ónerkásip akademııasyn bitirgen.
1922–1935 jyldary — Bókeı, Oral gýbernııalary jáne Syrdarııa okrýginiń Búkilodaqtyq Kommýnıstik (bolshevıkter) partııasy komıtetterinde áıelder arasyndaǵy jumys jónindegi bólimniń meńgerýshisi, Búkilodaqtyq Kommýnıstik (bolshevıkter) partııasy Qazaqstan ólkelik komıtetiniń nusqaýshysy, Ólkelik ónerkásip odaǵy tóraǵasynyń orynbasary boldy.
1935–1943 jyldary Balqash mys qorytý zaýytynda ınjener boldy. 1943–1948 jyldary Atyraý oblystyq Búkilodaqtyq Kommýnıstik (bolshevıkter) partııasy komıtetiniń áıelder arasyndaǵy jumys jónindegi bólim meńgerýshisi, Qazaqstan Kommýnıstik partııasy Ortalyq komıtetiniń nusqaýshysy, respýblıkalyq baqylaý organynda baqylaýshy bolyp istedi.
1949 jyldan zeınet demalysynda boldy.
