Búgin, 18 naýryzda Almatyda jeti jasar Karına Zakýraevany óltirý faktisine núkte qoıyldy. Ony óltirdi dep aıyptalǵan ógeı sheshesi Baljan Turlybek kináli dep tanylyp, 20 jylǵa bas bostandyǵynan aıyryldy, dep habarlaıdy “Adyrna” ulttyq portaly.
Áıel QR Qylmystyq kodeksiniń 99-babynyń 3-bóligi («Kámeletke tolmaǵan adamdy óltirý») boıynsha sottaldy.
“Sot qylmystyq isti qarap, Baljan Turlybekti kináli dep tanyp, 20 jylǵa bas bostandyǵynan aıyrdy. Ol jazasyn ortasha rejımdegi kolonııada óteıtin boldy", - dedi sot otyrysynda tóraǵalyq etýshi Erlan Bolatov.
Esterińizge sala keteıik, 2022 jyldan beri Baljan Turlybek birinshi nekesinen kishkentaı qyzy bar azamatpen birge turady. Qyz bala qýyǵy ustamaıtyn aýrýmen aýyrǵan.
2023 jyldyń jazynda sottalýshy balanyń butyna jiberip qoıǵan jaǵymsyz ıisin sezip, ashýlanǵan. Aıyptaýshy taraptyń aıtýynsha, ol ógeı qyzynyń moınynan ustap, basynan ura bastaǵan, sodan keıin ony jýynatyn bólmege súırep aparǵan, sonda ol basyn vannanyń shetine qatty soqqan. Bala jedel járdem kelgenshe qaıtys bolǵan.
