“Habar” telearnasynyŋ bas prodiuserı Dastan Şymyrbai qyzmetınen ketpek. Būl turaly ol Azattyq radiosyna aitty, dep habarlaidy “Adyrna” ūlttyq portaly.
Aita keteiık, 13 nauryz memlekettık "Habar" arnasynyŋ "Bıraq..." tok-şouy ūzaq uaqyt küieuınen zäbır körgen äieldı efirde şaqyryp, küieuıne qospaq bolǧany üşın synǧa qaldy. Rezonans tudyrǧan baǧdarlama aşylmai jatyp, bırden jabyldy.
QR Mädeniet jäne aqparat ministrı Aida Balaeva jelıdegı paraqşasynasyna "Bıraq..." baǧdarlamasy turaly resmi mälımdeme jasap, "tok-şou jabylady" dep mälımdedı.
Al 14 nauryzda "Habardyŋ" bas prodiuserı Dastan Şymyrbai Azattyqqa osy şuǧa bailanysty qyzmetten ketıp jatqanyn, "redaksiia qateleskenın, jauapkerşılıktı moinyna alatynyn" aitty.
«Baǧdarlamada tirandy äielımen tabystyru degen oiymyz bolmady, tek ekı tarapty [habarǧa] şaqyru degen oiymyz bolǧan. Direktor äkımşılık jūmystarmen ainalysady, men efirden ötetın habarlardyŋ mazmūnyna jauap beremın. Keşegı jaǧdaidan soŋ basşylyqqa baryp, jūmystan ketetınımdı aittym. Aryz jazdym. Eşkım mäjbürlegen joq. Qazır jūmystan ketu qaǧazyn toltyryp jürmın», - dedı arnanyŋ bas prodiuserı Azattyqqa bergen sūhbatynda.
Al baǧdarlama keiıpkerı "Habar" arnasyn zaŋ jüzınde jauapqa tartqysy keledı.
