Májilis depýtaty Elnur Beısenbaev Densaýlyq saqtaý mınıstri Aqmaral Álnazarovaǵa birqatar salalyq máselelerdi atap, depýtattyq saýal joldady, dep habarlaıdy "Adyrna" ulttyq portaly.
Depýtat qazirgi tańdaǵy qoldanystaǵy medıınalyq saqtandyrýdyń modeli birneshe normalarǵa sáıkes kelmeıtinin aıtty:
"Medıınalyq saqtandyrýdyń qoldanystaǵy modeli ekonomıkanyń barlyq qaǵıdattaryna qaıshy keledi, óz densaýlyǵy úshin derbes jaýapkershilikti jáne emdelýge derbes jınaqtardy qamtymaıdy. Adam óz densaýlyǵyna qalaı qaraıtynyna qaramastan tóleýge mindetti bolyp shyǵady. Iaǵnı, jaman ádetteri joq, sportpen shuǵyldanatyn jáne aýdarymdaryn emdeýge jumsamaıtyndar densaýlyǵyna mán bermeıtinder, temeki shegetinder, ishetinder jáne odan únemi dári-dármekter men dárigerlerge aqsha jumsaıtyndarmen birdeı tóleýi kerek" dedi Beısenbaev.
Sondaı-aq, ol erekshe sanattaǵy adamdar tobyna qatysty yntymaqty qaǵıdat boıynsha jumys istelýi kerektigin qosty.
"Qarttarǵa, múgedekterge jáne tótenshe jaǵdaılarǵa qatysty yntymaqty qaǵıdat jumys isteýi kerek ekeni túsinikti. Biraq tolyqqandy adamdar densaýlyǵyna jaýap berýi kerek. Al árbir jarna tóleýshiniń óz jarnalaryn óz betinshe bılik etýge quqyǵy bolýǵa tıis. Áıtpese, olardyń edıınalyq kómekke júginbesten aı saıyn Qorǵa tóleıtin aqshasy úshinshi tulǵalardyń medıınalyq qyzmetterin tóleýge ketedi, sonymen qatar Qor ony óz qalaýy boıynsha paıdalanady. Aqıqatynda, bul saqtandyrý emes, salyqtyń qosymsha túri" delindi depýtat saýalynda.
Elnur Beısenbaev saqtandyrý somasyn kóbeıtpes buryn atalmysh máselelerdi sheship alý qajettigin aıtty.
"Biraq salyqtardy ashyq túrde paıdalaný kerek, al MÁMS qorynyń jumysy – bul bir úlken jumbaq jáne bir úlken túbi joq «qara tesik». Mundaı jaǵdaılarda aldyńǵy júzdegen mıllıardtardyń qalaı jáne nege jumsalǵanyn túsinbeı turyp, qorǵa tólemderdi bes ese arttyrý qoǵam úshin tym qymbat jáne bızneske shamadan tys júkteme bolyp tabylady" dedi ol.
MÁMS júıesine qatysty kózge kórinetin máselelerdi ataı otyryp, ol mınıstrden:
"MÁMS tólemderin arttyrýdan bas tartý; Medıınalyq saqtandyrý júıesin monopolııasyzdandyrý jáne osy salada naryqtyq jáne básekelestik tetikterdi engizý; Azamattardyń saqtandyrý uıymdaryndaǵy shottaryn ashyqtyq pen eriktilik negizinde derbestendirý; Árbir naqty azamattyń densaýlyq jaǵdaıy men ómir saltyna baılanysty saqtandyrý syılyqaqylaryn tóleý somalaryn aıqyndaý ádistemesin ázirleý; MÁMS saqtandyrý jáne yntymaqtastyq bólimin bólý" boıynsha sheshim qarastyrýdy surady.
