Soltüstık Qazaqstan oblysynyŋ «Aiyrtau audandyq auruhanasy» 62 883 500 teŋgege kömır satyp almaq, – dep habarlaidy Adyrna ūlttyq portalynyŋ tılşısı satypalu.gov.kz/ saityna sılteme jasap.
Qylyşyn süiretken qys bıtıp, külımdep köktem kelıp jatqan şaqta audandyq auruhana 15 500 tonna kömırdı ne ıstemek? Biudjettıŋ 62 883 500 teŋgesınıŋ sūrauy joq pa? Būl sūraqtarǧa jauap tabu üşın tender habarlamasyn zerttep kördık.
"Soltüstık Qazaqstan oblysy äkımdıgınıŋ densaulyq saqtau basqarmasy" kommunaldyq memlekettık mekemesınıŋ "Aiyrtau audandyq auruhanasy" şaruaşylyq jürgızu qūqyǧyndaǧy kommunaldyq memlekettık käsıporny jariialaǧan memlekettık satyp aluǧa ötınım beru 19-nauryz künı bastalyp, jeŋımpaz 4-säuır künı anyqtalady eken. Audandyq auruhana «qystyŋ qamyn jazda oilap», jaz emes, tıptı köktemde oilap, kelesı qysqa daiyndyqty bastap ketıptı.
Memlekettık satyp aludyŋ jeŋımpazy 15 500 tonna kömırdı Aiyrtau audanyna qarasty auyldardyŋ emhanalaryna şılde, tamyz, qyrküiek ailary ışınde jetkızıp beruı kerek eken.
Ärine, qysy qytymyr soltüstıktıŋ suyǧyna kümän keltıre almaimyz! Bıraq, bırınşıden şıldede satyp alǧan kömır qazan aiyna deiın ügılıp, uatylyp ketpei me? Tehnikalyq sipattamada körsetılgen kömırdıŋ D sorty (ūzyn tas) ylǧaldylyǧyn küz kelgenşe airylyp qalmai ma?
Ekınşıden, soltüstıktegı audandyq auruhana kelesı qysqa daiyndyqty ne sebeptı erte bastap otyr? Audandyq auruhana tenderdı asyqpai jaz aiaqtalǧan soŋ jariialap, kömır küzdıŋ alǧaşqy ailarynda satyp aluǧa bolmas pa edı?
Būl sūraqtardy tiıstı mekemege joldadyq. Ol jaqtan jetken jauapqa da mınber beruge daiynbyz!
Qanat Bırlıkūly
Adyrna.kz
Ūqsas jaŋalyqtar
