Nur-Sultan qalasy ákiminiń orynbasary Erlan Qanalımov búgin OKQ brıfınginde Astana kúnin toılaýǵa qatysty shyǵyndardyń qysqartylatyny týraly habarlady. 6 maýsym kúni bas qalaǵa 21 jyl tolady.
Jyl saıyn Nur-Sultandaǵy atalmysh mereke kúni 300-ge jýyq is-sharalar uıymdastyrylatyn. Bıyl olardyń sany 100-ge deıin qysqartylady. Merekelik sharalardyń 73-i tegin bolmaq.
Astana kúnine arnalǵan bıýdjet ońtaılandyrý maqsatynda úsh esege qysqartyldy.
Astanalyqtar Qazaqstan jáne Reseı ártisteri ashyq aspan astynda óner kórsetetin Open Air men alańdardaǵy jappaı serýenderdi kórmeıdi. Olardyń shyǵyny kóp dep esepteldi.
Mereke kezinde adamdardyń jappaı jınalýy bolmaıdy.
Meıramdy toılaýdyń eń negizgi oryndary - saıabaqtar men Esil ózeniniń jaǵalaýy bolyp tabylady. .
