QURYLYSTA JÚRGEN QAZAQ BALALARYNYŃ NESIBESI TÚRIKTERDIŃ AÝZYNDA KETIP JATYR

2294
Adyrna.kz Telegram

Qazaqtyń aýyldaǵy qara balasynyń aýyldan qalaǵa kelip isteıtin jumysy qurylys jumysy ekenin sizder jaqsy bilesizder. Ókinishke oraı, kúzet, taksı, qurylys jumystaryn bireýge jaldanyp atqarý qazirgi kezde qazaq balasynyń enshisine qalyp otyr. Aýyldaǵy jaǵdaıdy ózderińiz jaqsy bilesizder. Muǵalim men dárigerge ǵana jumys taba alasyz. Onyń ózinde talasyp, tartysyp, qolyńdaǵy birnárseni aýzyna salyp baryp, áıteýir bir vakansııany alasyz. Eldiń balasynyń bári de epti emes. Epti adamnyń qaı jerde bolsyn jumystyń retin taýyp, istep ketetinin de moıyndaý kerek. Ondaı azamattar meniń aınalamda tabylady.

Meniń tań qalatynym, bizdiń qurylys salasynda qaptaǵan túrikter tolyp júr. Meniń ishim ashıtyny, osy túriktiń qaı qaısysyna bolsa da joǵary kategorııaly qurylys fırmalary jumystaryn tapsyryp tastaıdy. Al bular qazaqtyń qara balasyn jumysqa salyp qoıyp, ózderi arada deldal bolyp, qaltasyn aqshaǵa toltyryp júr. Astanany da, basqa qalalardy da qazaqtyń qara balasy men jer astyndaǵy qara munaıy salyp jatyr. Qaltasy ashqaǵa tolǵan bular bizdiń qazaqtyń qyzdaryna ólgenshe qumar. Ózderiniń keńsesinde otyrǵan qazaqtyń qyzdarynyń bárin sońynan ertip alyp ketedi. Bizdiń bul jelikpeler túrikterdiń sońynan erip júredi. Qaltasynda ashqasy bar adamnyń sońynan ketý qazir bizdiń keıbir qyzdarǵa ar da, namys ta emes. Kafede kóziń tússe qanyń basyńa shabady.

Bul meniń kózben kórip júrgenim. Qazir qazaqtyń balasynyń qolynan kelmeıtin tirlik joq. Biraq tek jaldamaly ǵana bolyp júr. Aı, ańqaý qazaqtyń balasy-aı! Qazaqtyń balasy qazir arhıtektýralyq qurylys nysandarynyń kez kelgenin salyp, ınjenerlik esepterin jasap bere alady.

Al mynaý, túrikter men orystildilerdiń biliminiń qaı deńgeıde ekenin men ózim kózben kórip, jumys basynda aq tekserip tastaımyn. Myńqyldap eshnərse de aıta almaıdy. Túk te bilimi joq. Bastary kóp nársege de jetpeıdi. Bular tek qazaqtyń balasyn qara jumysqa jaldap, ortada deldaldyqpen aqsha tabýdyń ǵana sheberi eken. Dúnıe alma kezek. Jigitter, tek qana órkenıet jolyna ǵana oıanyńdar. Mynaý qańǵyǵan kelimsekterdi bilimderińmen, iskerlikterińmen, áreketterińmen, namyspen barlyq saladan yǵystyryp shyǵara alasyńdar. Senderde bul qabilet bar. Qurylysty da, munaıdy da, ekonomıkany da, qarjyny da óz qoldaryńa alýdy josparap, taktıkalyq jolmen jumys jasańdar. Sonda namystaryń da, jigerleriń de, tuǵyrlaryń da qulamaıdy. Senderdiki tek ańqaýlyq qana. Men de ınjenermin. Birneshe kompanııany aralap kórip, kelisim shart jasaý úshin sóılesip júrmin. Aradaǵy qańǵybas kelimsek posrednıkterge aldanbańdar. Ózderińniń nesibelerińe qaıdaǵy bir qańǵybastardy serik qylmańdar. Bul senderdiń ǵana emes, bala shaǵalaryńnyń da nesibesi. Bul senderdiń qoldaryńnan keledi. Qolynan keltirip júrgen nar jigitterdi de kózimmen kórip jatyrmyn. Qyzdarǵa ege bolyńdar. Olardy durys qamtamasyz etińder. Bizdi búginnen bastap órkenıetti sana, ǵylym men bilim, jiger men minez, naqty áreket qana barlyq buǵaýdan alyp shyǵady.

 

Bekbolat QARJAN

"Adyrna" ulttyq portaly

Pikirler