Qaraǧandyda poliseiler insulttan keiın esınen tanǧan jürgızuşını qūtqardy, dep habarlaidy "Adyrna" portaly QR IIM resmi internet-resursyna sıltep.
«Qiylysta bız jol jiegındegı bordiurǧa şyǧyp ketken kölıktı kördık. Otalyp tūrǧan kölık bordiurǧa ılınıp, bır döŋgelegı ainalyp tūrdy. Kölıktıŋ esıgı qūlyptauly edı. Aldyŋǧy jolauşy jaǧyndaǧy äinektı syndyryp, salonǧa üŋıldım. Ärıptesım ekeumız kölık tızgınındegı er adamdy syrtqa alyp şyqtyq. Onyŋ insult alǧany anyq boldy, sebebı jürgızuşınıŋ denesı qūrysyp, al tılı tynys alu jolyn bıtep tastapty. Bız mūndai jaǧdailarda qalai äreket etu kerektıgın bıldık jäne er adamǧa alǧaşqy medisinalyq kömek körsettık. Ol bızdıŋ köz aldymyzda esın jiia bastaǧanda, jeŋıl dem aldy. Osydan keiın er adam medisinalyq mekemege jetkızıldı», — deidı patrul qyzmetkerı Mūqajan Aqjarken.
Poliseimen bırge taǧy bır patrul Berık Keŋesov boldy. Oqiǧa 8 nauryz künı bolǧan. Qaraǧandynyŋ 19-yqşamaudanyndaǧy qiylystardyŋ bırınde oryn alǧan tötenşe jaǧdai turaly polisiiaǧa taǧy bır kölık jürgızuşısı habarlaǧan.
Därıgerlerdıŋ aituynşa, es-tüssız jatqan jürgızuşınıŋ ömırı qyl üstınde bolǧan.
«Bırneşe minutqa keşıkse, bärı de keş bolar edı. Qazırgı uaqytta därıgerler nauqastyŋ jaǧdaiyn tūraqty dep baǧalap otyr», - delıngen habarlamada.
Ūqsas jaŋalyqtar
