Qaraǵandyda polıeıler ınsýlttan keıin esinen tanǵan júrgizýshini qutqardy, dep habarlaıdy "Adyrna" portaly QR IIM resmı ınternet-resýrsyna siltep.
«Qıylysta biz jol jıegindegi bordıýrǵa shyǵyp ketken kólikti kórdik. Otalyp turǵan kólik bordıýrǵa ilinip, bir dóńgelegi aınalyp turdy. Kóliktiń esigi qulyptaýly edi. Aldyńǵy jolaýshy jaǵyndaǵy áınekti syndyryp, salonǵa úńildim. Áriptesim ekeýmiz kólik tizginindegi er adamdy syrtqa alyp shyqtyq. Onyń ınsýlt alǵany anyq boldy, sebebi júrgizýshiniń denesi qurysyp, al tili tynys alý jolyn bitep tastapty. Biz mundaı jaǵdaılarda qalaı áreket etý kerektigin bildik jáne er adamǵa alǵashqy medıınalyq kómek kórsettik. Ol bizdiń kóz aldymyzda esin jııa bastaǵanda, jeńil dem aldy. Osydan keıin er adam medıınalyq mekemege jetkizildi», — deıdi patrýl qyzmetkeri Muqajan Aqjarken.
Polıeımen birge taǵy bir patrýl Berik Keńesov boldy. Oqıǵa 8 naýryz kúni bolǵan. Qaraǵandynyń 19-yqshamaýdanyndaǵy qıylystardyń birinde oryn alǵan tótenshe jaǵdaı týraly polıııaǵa taǵy bir kólik júrgizýshisi habarlaǵan.
Dárigerlerdiń aıtýynsha, es-tússiz jatqan júrgizýshiniń ómiri qyl ústinde bolǵan.
«Birneshe mınýtqa keshikse, bári de kesh bolar edi. Qazirgi ýaqytta dárigerler naýqastyń jaǵdaıyn turaqty dep baǵalap otyr», - delingen habarlamada.
