Gaza sektoryna äueden tastalǧan gumanitarlyq jük tielgen bırneşe paraşiut aşylmai, jerde kömek kütken palestinalyqtardyŋ üstıne qūlady, - dep habarlaidy "Adyrna" ūlttyq portaly Anadolu basylymyna sılteme jasap.
Kuägerlerdıŋ aituynşa, jäşıkter Şati bosqyndar lagerınde jäne Gazanyŋ soltüstıgındegı Djala köşesınde gumanitarlyq kömek kütıp tūrǧan beibıt tūrǧyndarǧa qūlaǧan. Oqiǧa saldarynan, aldyn ala mälımet boiynşa, bes adam qaza tauyp, taǧy bırneşe adam jaralanǧan.
Egipet, BAÄ, İordaniia, Qatar, Oman jäne Bahrein soŋǧy aptada Gaza sektoryna äue kömegın jetkızu üşın bırlesken operasiialar jürgızdı.
Būǧan deiın gumanitarlyq kömekke qol jetkızgısı kelgen palestinalyqtar türly qiynşylyqtarmen betpe-bet kelgen. Mäselen, Gazaǧa tüsken kömektıŋ bır bölıgı teŋızge qūlaǧan bolatyn. Keibıreulerı şaǧyn balyq aulau qaiyqtarymen teŋızge şyqsa, al keibıreulerı jük jäşıkterıne jetu üşın jüzıp barǧan.
Bırıkken Ūlttar Ūiymy jäne basqa da halyqaralyq ūiymdar aştyq, şöl jäne gigienalyq materialdardyŋ jetıspeuşılıgınen tuyndaǧan aurular beleŋ alǧan Gazada atysty toqtatuǧa jäne gumanitarlyq kömek aǧynyn arttyruǧa şaqyruda.
Eske sala keteiık, 7 qazannan berı İzraildıŋ Gaza sektoryna jasaǧan şabuyldarynan 30 800 palestinalyq mert bolyp, onyŋ ışınde kemınde 13 430 bala qaza tauyp, 72 298-ı jaralanǧan.
Ūqsas jaŋalyqtar
