Anasyn ızdegen Jänıbekke qatysty tyŋ derekter jariialandy, dep habarlaidy "Adyrna" tılşısı.
Jurnalist “1001 tün” baǧdarlamasynyŋ jürgızuşısı Qymbat Dosjan Jänıbek düniege kelgennen keiın 4-5 kün perzenthanada emızıp, aq sütın bergen anany tapqanyn aityp, köpten süiınşı sūrady.
“Äleumettık jelıde basym köpşılıgı Jänıbekke jany aşyp jatsa, endı bıreuler “Qazaqstanda ne bar? Europaŋda küştı ǧoi” dep jazypty. Odan bölek taǧy bır top boldy. Sol topty zerttei kele boljamdy ana, qūjat boiynşa sol äieldıŋ esımımen, ekınşı balasyn düniege äkelgen äieldı taptyq. Bıraq ekı bırdei tapsyrǧan analizde säikestık 0 bolyp şyqty. “Üi jaǧdaiyndaǧy şarualardy rettep, tüngı saǧat 10:00-de qaityp kelemın” degen qolhat ta sol ananyŋ qolymen jazylǧan”, – deidı jurnalist.Qazır Arqalyqtan Astanaǧa kelgen poliseiler ıstıŋ qaralyp jatqanyn aitady. Ol turaly Qymbat Dosjan jazdy.
“Bastapqyda “Salǧyrttyq” degen bap boiynşa ıs aşylyp, keiın būl oqiǧanyŋ bolǧanyna 20 jyldan asa uaqyt ötken soŋ jauyp tastady. Odan keiın men Jänıbektıŋ atynan prokuraturaǧa aryz jazdym. Söitıp qaŋtar aiynyŋ aiaǧynda basqa bappen tergeu bastaldy. Qazır tergeuşıler Astanaǧa keldı. Olardyŋ osynda jūmys ıstep jatqanyna bır aptadai uaqyt boldy. Keşe sūhbat bergenımde 14 ana dep aittym. Al bügın 6 äieldıŋ analizı şyqty. Jänıbek 1-2 künde ketıp qalady. “Osynyŋ arasynan şyǧyp qala ma?” degen oimen laboratoriiadaǧylar tüsken analizderdı şūǧyl türde tekserıp jatyr. 14 boljamdy ana men 1 er adamnan analiz alyndy. Bız bükıl redaksiia, “Qazaq radiosy” sol er adam Jänıbektıŋ äkesı bolyp şyqsa eken” dep Qūdaidan tıledık. Bıraq amal neşık, ol da 0 bolyp şyqty. Sol er azamat “menıŋ balam bolyp şyqsa eken” dep kelgenın aitty”, – deidı Qymbat Dosjan.
Ūqsas jaŋalyqtar
