Búgingi ashynǵan Arys turǵyndarynyń talaby barlyq jaǵynan oryndy jáne durys dep oılaımyn. Úıinen tek qana ish kıimimen jeńil jelpi qashyp shyqqan halyq neshe kún bireýdiń úıinde úndemeı otyrady dep oılaısyz, bular endi osylaı kóshege shyqpaǵanda ne isteıdi...
Jalpy, búgin osy Shymdaǵy bolyp jatqan oqıǵalarǵa qarap, naqtyraq aıtsam, ondaǵy jergilikti ákimshiliktiń áreketine qarap otyrǵanda, senesizder me, kózime azııalyq Bangladesh, Pákistan elderi elestedi.
Bangladesh, Pákistan syndy Azııanyń kedeı, mesheý elderinde zilzala, sý tasqyny sııaqty apattar jıi bolady eken. Sosyn bul elderde jergilikti ákimshilikter bebeldi dinbasylaryn ertip, bundaı apattardan soń dinshil qarańǵy halyqqa "bul apattardyń bári qudaıdan keletinin, qaıta tiriniń aman qalǵanyna shúkirshilik qylyp, ary qaraı tirshilik etýdiń abzaldyǵyn" halyq kóp jınalatyn jerlerde táptishtep túsindirip, jurtqa sabyr aıtyp tarqatyp jiberedi eken. Al bularda halyqtyń kóp jınalatyn jerleri - sansyz meshitter men medreseler, ádette bul elderde meshit sany mektep sanynan da kóp bolady.
Apattyń saldarymen kúresýge bundaı kedeı elderdiń qazynasynda ómiri qarajat bolmaıdy jáne bulardyń baqytsyz halqynda jergilikti ókimetke aýyz ashý degen túsinik atymen joq. Bul halyqtar buzylǵan, qıraǵan úılerin, kúrkelerin shamasynsha jamap, jasqap ıtshilep ary qaraı kúnin kórip júre beredi eken.
Endi búgin Shymdaǵy meshitke jınalǵan qaýymdy mıkrofon ustap sabyrǵa shaqyryp ýaǵyz aıtyp otyrǵan kisini kórip "oıpyraı, mynaý qandaı jap - jas ımam" dep tańǵalyp otyrsam, senesizder me, bul ımam emes, Shymkent ákimi bop shyqty!. Eki - úsh kúnnen beri Arystan aǵylyp kelip jatqan halyqty qarsy alatyn ortalyqtar ashyp tastap, olardy ornalastyryp, sol ortalyqtardyń bosaǵasynda jymıyp turatyn ákim meshittiń tórinde shirenip otyr. Odan soń bular namazǵa turdy.
Odan jınalǵan halyq arasyna sabyr aıtyp smanyp, shmanyp dinbasylary shyqty...
Naǵyz Bangladesh boldy!
Al endi osylardyń "elbasynyń tapsyrmasymen" dep jóńkilip qataryna umytylyp júrgen deni durys órkenıetti elderdegi bundaı jaǵdaılarda olardyń ádisteri, tásilderi tipti basqasha bolady eken.
Olar bundaı jaǵdaıda qutqarýshy, ásker, polıııa bárin jumyldyryp, eń aldymen ólip - talyp halqyn qutqarýǵa kirisedi. Sebebi, bul elderde adamnyń quny qashanda tym qymbat bolady. Odan tegin medıınalyq kómek, odan soń adam basyn túgendep esepke alady, osy apatqa baılanysty kóptegen adam qabyldaý ortalyqtary ashylady, halqy volonteri jumyldyrady, apatty zalalsyzdandyrý, onyń keltirgen shyǵynyn esepteý, halyqqa onyń ótemaqysyn tóleý.....
Qysqasy, deni durys qalypty memleket, bundaı jaǵdaıda osyndaı sharalar uıymdastyrady eken.
Menińshe, osy shaǵyn ǵana Arys oqıǵasynda bizdiń memleket retinde shynaıy kelbetimiz kórinip qaldy. Nazarbaevtyń otyz jyl aýa teýip "otyz eldiń qatary, elý eldiń qatary" dep júrgeni naǵyz dalbasa eken - bizdiń búginde sol bangladeshterden esh aıyrmamyz joq, biz Bangladeshpiz.
Oljas Ábil
"Adyrna" ulttyq portaly
