Ótken ǵasyrdyń sekseninshi jyldarynyń sońy. Pikirlerdiń áralýandyǵy degen keńshilik berilgen. Biraq talaılar sony barynsha paıdalana almaıtyn. Sebebi jurttyń bári birdeı oılaıtyn. Birneshe ondaǵan jyl sanany qursaýlaǵan qalypty qıratý árkimge ońaıǵa túspeıtin.
Pikir áralýandyǵyna esik ashylǵanǵa deıin-aq jalpy qaýym qabyldaǵan usynys, sheshim, tipti kúdikpen qaraıtyn bir azamat boldy. Bizdiń aramyzda, SQ-da qyzmet isteıtin jýrnalıster ortasynda. Ol - Qýanbek Boqaev. Ne nársege bolsyn “joq, olaı emes” dep shyǵatyn. Ári óziniń kerisinshe, qarsy oıyn aıtatyn. Jaı aıtpaıtyn, jurtshylyq bas shulǵyp, qoldap otyrǵan nárseniń tý-talaqaıyn shyǵaryp beretin.
Sol Qýanbek aǵa ómirden ótipti. Dál osylaı “joq, olaı emes” deı alǵan ekinshi aǵa da o dúnıelik bolǵanyn estip, kóńil taǵy qulazydy. Ol - Seıdahmed Quttyqadam. Bul kisi sonaý 1994 jyly Nazarbaevtyń sheksiz bıligine múmkindik bergen Konstıtýııa jobasyna qarsy shyqqan.
Endi qalam ustaǵan jýrnalıster arasynan Qýanbek pen Seıdahmet aǵalar sııaqty bılikke “Joq, olaı emes!” dep jaza alatyndar shyǵar ma eken?..
Qaınar Oljaı