Armeniianyŋ Ūjymdyq qauıpsızdık şarty ūiymymen (ŪQŞŪ) qarym-qatynasynyŋ naqty toqtauy, Armeniianyŋ ŪQŞŪ-da tūraqty ökılınıŋ joqtyǧyn bıldıredı. Būl turaly parlament saǧatynda Armeniia premer-ministrı Nikol Paşinian mälımdedı, dep habarlaidy “Adyrna” ūlttyq portaly Tengrinews.kz-ke sılteme jasap.
«Bır jyldan berı bızde ŪQŞŪ-da tūraqty ökıl bolǧan joq. Bız ŪQŞŪ ıs-şaralaryna köpten berı joǧary deŋgeide qatyspadyq. ŪQŞŪ-da şeşım qabyldauda konsensus prinsipı bar, bıraq bız qatyspaimyz. Qarapaiym sebeppen, bızde «nege qatysu kerek» degen sūraqqa jauap joq», - dedı Paşinian Armeniianyŋ ūiymǧa qatysuyn toqtatu nenı bıldıredı degen sūraqqa jauap berıp.
Onyŋ aituynşa, eger ūiym öz mındettemelerın oryndamasa, Erevan ŪQŞŪ-ǧa müşelıgın zaŋdy türde toqtatady.
«Eger bız ıs jüzınde ıs-äreketımızdı toqtatqan bolsaq, onda mäseleler şeşılmese, bız ony de-iure jasaimyz», - dedı Premer-Ministr.
Paşinian Erevannyŋ ūiymǧa qoiatyn basty sūraǧy mynada ekenın atap öttı: Armeniiadaǧy ŪQŞŪ-nyŋ jauapkerşılık salasy qandai?
«Bız ŪQŞŪ-ǧa sūraq qoidyq, bügınge deiın jauap alǧan joqpyz. Al būl sūraqqa jauaptyŋ bolmauy, bızdıŋ oiymyzşa, Armeniia Respublikasynyŋ ūlttyq qauıpsızdıgı men aumaqtyq tūtastyǧyna qauıp töndıredı», - dedı ol.
Paşinian 23 aqpanda France24 telearnasyna bergen sūhbatynda Armeniianyŋ ŪQŞŪ-ǧa qatysuyn toqtatqanyn mälımdedı. Armeniia premer-ministrınıŋ aituynşa, Ūjymdyq qauıpsızdık şarty Erevanǧa qatysty, äsırese, 2021-2022 jyldary oryndalmady jäne el būǧan nazardan tys qaldyra almady. Osyǧan bailanysty Armeniianyŋ kelısımge qatysuy uaqytşa toqtatyldy.
Aita keteiık, ŪQŞŪ-ǧa alty memleket kıredı: Armeniia, Belarus, Qazaqstan, Qyrǧyzstan, Resei jäne Täjıkstan.
