Aqmola oblysynyń ákimi Marat Ahmetjanov 2024 jylǵy 27 aqpanda Úkimette ótken brıfıngte Zerendi aýdany ákiminiń orynbasary rólde mas kúıinde ustalǵany týraly túsinikteme berdi, dep habarlaıdy "Adyrna" ulttyq portaly.
Ahmetjanov quqyq buzýshyny jumystan shyǵarý týraly másele bolýy múmkin ekenin rastady. Qazirgi ýaqytta sheneýnik 15 táýlikke ákimshilik qamaýǵa alyndy. Ary qaraı memlekettik qyzmetkerdiń taǵdyryn komıssııa sheshedi.
"Onyń ári qaraı memlekettik qyzmette qalý máselesi qaralyp, sheshiletin bolady, óz basym mundaı zańbuzýshylyqtardy quptamaımyn jáne Ishki ister mınıstrligi engizgen júıe qazir mas júrgizýshilerdi anyqtap jatqanyna qýanyshtymyn. Olardyń bizdiń azamattarymyzdyń ómiri men densaýlyǵyna qaýip tóndiretinin bilesizder. Men mundaı nárselerge óte qatal qaraımyn. Meniń oıymsha, memlekettik qyzmette olarǵa oryn joq", - dedi Marat Ahmetjanov.
Aıta keteıik, 12 aqpanda Aqmola oblysy Zerendi aýdany ákiminiń orynbasary mas kúıinde kólik júrgizgeni úshin 15 táýlikke qamaýǵa alynǵany belgili boldy. Ortasha dárejede mas kúıinde kólik basqarǵan sheneýnikti polıııa qyzmetkerleri toqtatqan.
"Adyrna" ulttyq portaly
