ıfrlyq damý mınıstrligi uıaly baılanys operatorlaryna biryńǵaı saǵat beldeýin ýaqtyly aýystyrýdy tapsyrdy, dep habarlaıdy «Adyrna» tilshisi mınıstrliktiń baspasóz qyzmetine silteme jasap.
2024 jylǵy 29 aqpannan 1 naýryzǵa qaraǵan túni Qazaqstan Mańǵystaý, Atyraý, Batys Qazaqstan, Aqtóbe jáne Qyzylorda oblystarynan basqa barlyq aımaqtar biryńǵaı ýaqyt beldeýine kóshedi.
Osy is-sharany júzege asyrý maqsatynda kelesi sharalar qabyldandy:
1) IANA (Internet mekenjaı keńistiginiń ákimshiligi), HEBO, RSS, ICANN, IETF, IESG syndy halyqaralyq uıymdarǵa Qazaqstannyń biryńǵaı 5-shi ýaqyt beldeýine kóshýi, sondaı-aq Qazaqstan úshin ýaqyt beldeýleriniń (time zone database) jalpyǵa qoljetimdi derekqoryndaǵy derekterdi jańartý qajettiligi týraly resmı habarlandy.
Osyǵan baılanysty abonentter shyǵarylǵan jańartýlardy Android jáne IOS sııaqty halyqaralyq operaııalyq júıelermen jańartýy qajet.
2) ıfrlyq damý mınıstriniń tapsyrmasyna sáıkes, baılanys operatorlary:
- ózderiniń aqparattyq júıeleriniń qajetti ólshemderin daıyndaý boıynsha uıymdastyrýshylyq-tehnıkalyq is-sharalaryn ótkizedi;
- uıaly baılanys operatorlarynyń qysqa mátindik habarlamalardy jiberýin, sondaı-aq ınternet-resýrsta jáne mobıldi qosymshada (bar bolǵan jaǵdaıda) habarlaýdy qosa alǵanda, qyzmet kórsetý arnalary arqyly óz abonentteri men paıdalanýshylaryna júrgizilip jatqan jumystar týraly aldyn ala habarlaý boıynsha sharalardy júzege asyrady;
- ınternetti qosa alǵanda, usynylatyn baılanys servısteri men qyzmetteriniń turaqtylyǵyn saqtaý, sondaı-aq tarıftiń aı saıynǵy tólemin eki ese esepteý jaǵdaılaryn boldyrmaý maqsatynda tehnıkalyq ınfraqurylymdy daıyndaıdy.
Tolyǵyraq aqparat alý úshin baılanys operatorlaryna habarlasýǵa bolady.
