Almatyda balalar quqyqtaryn buzý faktileri boıynsha júrgizilgen tekserýler nátıjesinde 10 qylmystyq is tirkeldi, dep habarlaıdy “Adyrna” ulttyq portaly qalalyq prokýratýranyń baspasóz qyzmetine silteme jasap.
«Júrgizilgen tekserýler balalardyń qaýipsizdigi salasynda qabyldanyp jatqan sharalardyń jetkiliksizdigin kórsetti. Oǵan aqparattyq qaýipsizdik salasyndaǵy jarty myńnan astam buzýshylyqtar, balalardy tasymaldaý jáne bilim berý mekemelerin qorǵaý erejeleriniń, sanıtarlyq jáne órtke qarsy normalardyń buzylýy, sondaı-aq oqýshylar arasynda býllıng faktileriniń anyqtalýy dálel. Tekserýler nátıjesinde 10 sotqa deıingi tergep-tekserý bastaldy, shamamen 60 mln. teńge óteldi, 67 qadaǵalaý aktisi engizildi jáne 100-den astam adam ákimshilik jaýapkershilikke tartyldy», - delingen sársenbi kúni taratqan habarlamada.
Sonymen qatar, quqyq buzýshylyqtarǵa jedel den qoıý maqsatynda, onyń ishinde oqýshylar arasyndaǵy býllıngke qatysty, oqýshylar nemese olardyń ata-analaryna onlaın rejımde qalalyq prokýratýraǵa tikeleı júginýge múmkindik beretin "QR-kod" ázirlendi.
«Mektep psıhologtarynyń biliktiligin arttyrý maqsatynda qala prokýratýrasy "NGS" Jańa Býyn Mektebi alańynda memlekettik mektepterdegi barlyq psıhologtardyń, kámeletke tolmaǵandardyń isteri jónindegi ýchaskelik ınspektorlardyń jáne bilim basqarmasy ókilderiniń qatysýymen semınar uıymdastyrdy. Sonymen qatar prokýrorlar 330 mln. teńgeden astam somaǵa bıýdjet qarajaty urlanǵanyn anyqtady», - delingen habarlamada.
Osyndaı urlyq faktilerin Medeý, Almaly, Túrksib jáne Alataý aýdandarynyń prokýrorlary da ashty. Sotqa deıingi tergeý amaldary júrgizilýde.
