Almaty turǵyny 11 jyl boıy alǵan 12 mln teńge zeınetaqysyn memleketke qaıtarýy kerek, dep habarlaıdy “Adyrna” ulttyq portaly.
Mundaı sheshimdi jýyrda qalanyń Túrksib aýdandyq soty shyǵardy.
Belgili bolǵandaı, 2010 jyldyń 1 tamyzynda Almaty qalasynyń turǵynyna zeınetkerlik jasqa tolýyna baılanysty zeınetaqy tólemderi taǵaıyndalǵan.
Sol jyldyń 10 aqpanynda áıel Sheshenstan Respýblıkasynyń Ahmatov aýdanynda da zeınetaqy ala bastaǵan. Osylaısha ol eki elde qatar zeınetaqy alyp júrgen, bul Qazaqstan zańnamasyn buzý bolyp tabylady.
Sot otyrysynda zeınetker QR Eńbek jáne halyqty áleýmettik qorǵaý mınıstrliginiń ózine qoıǵan talabyn moıyndady. Sot sheshimi boıynsha ol endi bıýdjetke 12 318 134 teńge – 2010 jyldyń tamyzynan 2021 jyldyń qyrkúıegine deıin zańsyz alǵan zeınetaqysynyń somasyn tóleýi kerek. Sondaı-aq bul somaǵa 123 182 teńge memlekettik baj salyǵy qosyldy.
“Adyrna” ulttyq portaly
