Budan 10 jyl buryn, ıaǵnı 2009 jylǵy naýryz aıynda men Qorǵanys mınıstriniń baspasóz hatshysy laýyzymynda áskerı qyzmette júrgenimde sol kezdegi Qorǵanys mınıstri Danıal Ahmetovtyń buıryǵymen bir top áskerılermen birge shuǵyl túrde áskerı ushaqpen Arys qalasyna ushyp shyǵyp edik... 2009 jyl naýryz aıynda Arystaǵy qarý-jaraq saqtaıtyn úlken arsenalda "Qazarsenal" JShS snarıadtardy joıý kezinde birneshe jarylys boldy. Úsh adam jarylys ornynda qaza bolyp, kompanııanyń 17 jumysshysy dene kúıikterimen aýrýhanaǵa tústi. Keıinirek qaza bolǵandardyń sany tórt adamǵa deıin ósti degen habar jetti. Úkimettiń arnaıy komıssııasy bul jarylysqa qaýipsizdik erejelerin óreskel buzý sebep bolǵanyn anyqtady. Úlken laýazymdaǵy áskerılerdiń bireýi de jazaǵa tartylǵan joq. Jyly jaýyp qoıa saldy. Sol jarylystyń sebepterin emes, saldarymen aınalysqannyń arqasynda 2014 jyly jazda taǵy da Arysta "Qazaqjarylysónerkásibi" Akıonerlik Qoǵamynyń oq-dárini joıý zaýytynda taǵy da jarylys bolyp, er adam men bir áıeldiń oqıǵa ornynda qaza bolǵany týraly Buqaralyq aqparat quraldarynda jarııalady.
2015 jylǵy 8 qarashada Arystaǵy "Qaztehnologııa" JShS-niń jarý alańyndaǵy polıgonda jarylys bolyp, tehnolog 1974 jyly týǵan Ermurat Imanqulov degen azamat mert boldy. (qaza boldy). Endi mine, árkez tutanyp turatyn výlkan sııaqty jarylystardan ne Úkimet, ne áskerı vedomstvo durys nátıje shyǵarmaǵany beıbit ómirde úlken apatqa ákep soqtyrdy. 2019 jylyǵy 24 maýsymda Arys mańyndaǵy qarý-jaraq saqtaıtyn qoımada taǵy da joıqyn jarylys boldy. Áli de jalǵasýda. Osyǵan oraı, eń birinshi, HALYQTY ShUǴYL TÚRDE QAÝIPSIZ AIMAQQA EVAKÝAIIa JASAÝ kerek, ol úshin qolda evakýaııalyq naqty jospar bolý kerek. Úlken evakýaııalyq komandalar qurý kerek.
Ekinshi, shuǵyl túrde polevoı gospıtaldardy jaqyn mańǵa quryp, myqty hırýrgtar men dárigerlerdi aldyrtý kerek. Jaqyn qalalarǵa jaralanǵandardy vertoletpen(!) jetkizý kerek. Úshinshiden, bos qalǵan memlekettik jáne áleýmettik nysandar men úı-jaılardy, magazınderdi tonamas úshin mılıııa men ishki ister organdarynan oeplenııa qurý kerek. Jarylys aıaqtalǵan soń, Úkimet pen shet elden táýelsiz áskerı komıssııa taǵaıyndap, jaqsylap turyp rassledovanııa jasaý kerek te salǵyrttyq pen nemquraılyq tanytqandary úshin Qorǵanys mınıstrinen bastap jaýapty generaldar men basqa da laýyzym ıelerin pod trıbýnal jaýapqa tartý KEREK!!!
Serik Shalov
"Adyrna" ulttyq portaly
