Almatyda laı kóshkininiń úılerdi zaqymdaýyna qatysty qylmystyq is qozǵaldy. Bul týraly qala ákimdiginiń baspasóz qyzmeti aıtty, dep habarlaıdy «Adyrna» tilshisi.
«Medeý aýdandyq polıııa bólimi qylmystyq is qozǵady. Ony quzyrly organdar tergeıdi»,— delingen habarlamada.
Eske salaıyq, 8 aqpanda taýly jerde ornalasqan Taýsamal yqshamaýdanynda kóshkin júrip, laı topyraq jeke menshik úıdi jermen-jeksen qylǵan edi. Saldarynan onda turyp jatqan tórt adam mert boldy.
Tótenshe jaǵdaılar mınıstrliginiń aqparatyna súıensek, sýyq sýmen jabdyqtaý qubyrynyń jarylýy saldarynan topyraq ylǵaldanyp, keıin kólemi 3200 tekshe metr bolatyn jyljyma túsken. Eki jer úıge, onyń ishinde bireýine ishinara zaqym kelgen.
