Sadyr Japarovtyŋ aituynşa, Qyrǧyzstanda büirek transplantasiialau operasiialary tegın jasalady, dep habarlaidy “Adyrna” ūlttyq portaly.
Būl turaly Qyrǧyz Respublikasynyŋ Prezidentı Sadyr Japarov «Kabar» agenttıgıne bergen sūhbatynda rastady. Prezident mälımetınşe, qazır Qyrǧyzstanda 2,5 myŋnan astam azamat gemodializ alady, onyŋ 50-ı donor tauyp, tolyq medisinalyq tekseruden ötıp, transplantasiiaǧa daiyndaluda. “Alǧaşqy operasiia sättı öttı. Ekı medisinalyq brigada künıne 2-3 operasiia jasai alady. Qūdai qalasa, būdan bylai özımız ota jasaityn bolamyz. Qūny 7-8 myŋ dollar tūratyn gemodializge tüsetın nauqastardyŋ büiregın auystyryp saludy memleket öteidı”, - dedı prezident. Sadyr Japarov memleket osylaişa ekı ese paida köretının atap öttı. Bırınşısı – Qyrǧyzstan azamattaryna kömek körsetu. Ekınşısı – şyǧyndardy ünemdeu. “Memleket jyl saiyn gemodializ alatyn ärbır pasientke 14-15 myŋ dollardan jūmsaidy. Jyl saiyn 2,5 myŋ adamǧa 3 milliardtan astam som bölınedı. Eger donorlardy tapqan nauqastarǧa özımız operasiia jasasaq, şyǧyndardy azaita alamyz. Nauqastyŋ özı donordy tabady, bastysy genetikalyq ūqsastyǧy boluy. Jyl saiyn gemodializ alatyn bır pasientke jūmsalatyn qarajattyŋ jartysyna operasiia jasai otyryp, qalǧan bölıgın ünemdeuge jäne kelesı jylǧa şyǧyndardy tolyǧymen azaituǧa bolady. Öitkenı, eger pasient gemodializ aludy toqtatsa, onda memleket şyǧyndary da azaiady, - dep tüsındırdı memleket basşysy. Būǧan deiın 2024 jyldyŋ 1 aqpanynda Bışkekte alǧaş ret 22 jastaǧy nauqasqa ana men balany qorǧau ūlttyq ortalyǧynda büirek transplantasiiasy tegın jürgızılgenı habarlanǧan bolatyn.“Adyrna” ūlttyq portaly
Ūqsas jaŋalyqtar
