Almatyda bolǵan 5 balldyq jer silkinisinen keıin birneshe ǵımarattarda jaryqshaqtar paıda bolyp, qabyrǵalarǵa syzat túsken, dep habarlaıdy "Adyrna" tilshisi KTK telearnasyna siltep.
Qala ákiminiń orynbasary Asqar Ámrınniń aıtýynsha 200-ge jýyq ǵımarattyń qabyrǵasynda jaryqshaqtar paıda bolǵan.
Jalpy,jer dúmpýlerinen keıin 70-i – kópqabatty úıdiń qabyrǵasynda syzat paıda bolǵan. Asqar Ámrın áleýmettik nysandar memleket qarjysyna jóndeletinin aıtty.
Esh qaýip tónip turǵan joq. Ol jerde kádimgi jaryqtar. Ony kezekti jóndeý kezinde qalpyna keltirýge bolady. Men nazarlaryńyzdy aýdarǵym keletin jalǵyz nárse – birinshiden, kondomınıým nysany sanalatyn barlyq jeke kópqabatty turǵyn úı kesheni óz qarajatymen jóndelýge tıis. Qalǵan áleýmettik nysandar belgilengen tártippen, memleket esebinen jóndeledi, - dedi Almaty qalasy ákiminiń orynbasary.
