Shymkentte qyz alyp qashqan jigit qamaýǵa alyndy. Bul týraly qalalyq prokýratýranyń baspasóz qyzmeti aıtty, dep habarlaıdy «Adyrna» tilshisi.
«16 qańtarda Shymkent qalasy polıııasynyń kezekshi bólimine azamatsha M.A. qyzyn úılený maqsatynda belgisiz er azamattyń urlap ketkenin málimdedi. Atalǵan fakti boıynsha Qylmystyq kodekstiń 125-baby 2-bóliginiń 1) tarmaǵynyń negizinde (adamdy urlaý) sotqa deıingi tergep-tekserý bastaldy. Nátıjesinde Mańǵystaý oblysynyń «G» esimdi turǵyny ustalyp, eki aıǵa qamaýǵa alyndy»,—delingen habarlamada.
Prokýratýra ókilderi mundaı qylmys úshin kinálilerdiń múlki tárkilenip, jeti jyldan on eki jylǵa deıingi merzimge bas bostandyǵynan aıyrý jazasy qarastyrylǵanyn atap ótti.
