Mınıstr: Halyq qarsy bolsa AES salynbaıdy

2373
Adyrna.kz Telegram

Halyq pikirin eskere otyryp, atom elektr stanııasyn salýǵa baılanysty sheshim qabyldanady" dedi Qazaqstannyń energetıka mınıstri Qanat Bozymbaev 20 maýsymda turǵyndarǵa esep berý jıynynda. Bul aqparatty memlekettik aqparat agenttikteri habarlady.

"Halyq pikirin eskerý degenimiz ne? Bul halyq arasynda saýalnama júrgizý nemese referendým ótkizý. Sondyqtan alańdamańyzdar: eger AES salynsa, mindetti túrde ol jaıly estısizder, bilesizder. Halyq óz pikirin aıtady. Eger "joq" dese, eshkim eshteńe salmaıdy. Siz ben biz Semeı synaq polıgonyn bastan ótkerdik, muny jaqsy túsinemiz. Qanshama adam zardap shekti. Bul jady - ony "gendik jady" dep ataımyz. Bul qoǵamda AES-tiń salynbaýyn qoldaıtyn kóńil-kúıdi qalyptastyryp otyr. Qalaı bolǵanda da, AES salý boıynsha jospar, sheshim qabyldanǵan joq" dedi mınıstr.

Buǵan deıin jergilikti aqparat agenttikteri "Qazaqstanda AES salý boıynsha tender jarııalanǵanyn", "birqatar halyqaralyq kompanııalardyń oǵan qatysýdy josparlap otyrǵanyn" habarlaǵan. (Bul aqparatqa baılanysty Azattyq tilshisi 6 maýsymda energetıka mınıstrligine resmı saýal jibergen. Biraq ázirge jaýap kelmedi). Bul aqparatty meńzegen mınıstr eger qandaı da bir shetel uıymdary ne kompanııalar túsinikteme berse, bul olardyń Qazaqstanǵa óz ónimin satqysy kelgeninen habar beredi degen.

Sáýir aıynyń basynda Reseıge saparlap barǵan Qazaqstan prezıdenti Qasym-Jomart Toqaevpen kezdesýde prezıdent Vladımır Pýtın Qazaqstanda "reseılik tehnologııa" boıynsha AES salý týraly usynys aıtqan. Bul áleýmettik jelide qyzý talqylanyp, qoldanýshylar ártúrli pikir bildirgen.

Kelesi kúni energetıka vıe-mınıstri Maǵzum Myrzaǵalıev stanııa qurylysyna qatysty naqty sheshim qabyldanbaǵanyn, alaıda atom elektr stanııasy ornalasýy múmkin aýmaq retinde Kýrchatov qalasy men Úlken aýylyn ataǵan.

Elde mamyr aıynda bolǵan narazylyq sharalarynda ózge urandarmen qatar "AES salynbasyn!" degen talap ta bolǵan. Buǵan deıin astanalyq belsendi Bolatbek Bilálov AES jobasyna qarsy narazylyq sharasyn ótkizýge oqtalyp, 15 kúnge qamalyp shyqqan.

"Azattyq" radıosy

Pikirler