20 ǵasyrdyń bas kezi Qytaıdy bılegen japon ókimeti, basqynshylyqqa qarsy shyqqan qytaı jastaryn qytaı halqynyń aldyna, alańǵa alyp shyǵyp asqan eken.
Basqynshy japon sarbazdarynyń aldynda súrine - qabyna qulap shyǵyp kele jatqan óz jastaryn kórgen qytaılyqtar máz - máıram bop kúlip, olardy kelemejdep, mazaqtap tursa kerek.
Buny kórip turǵan qytaıdyń bolashaq uly jazýshysy, jas stýdent medıına shákirti - Lý Shýn, "meniń halqym ar - namys, ulttyq túısik, memleketshildik degen qasıetterden ábden ajyrap, taza qul tobyrǵa aınalǵan eken. Halqym aýrý eken, qoı, men óz medıınammen júzderdiń tánin emdemeı, qalamymmen mıllıondardyń sanasyn emdeıin, ulttyq namysyn tirilteıin, memleketshildigin oıataıyn, óıtpesem bolmas" dep túńilip, sol kúni medıınasyn tastap, qylqalam ustaǵan eken.
Osy Lý Shýn - keıin qytaı qoǵamyn dúr silkindirgen uly jazýshyǵa, fılosofqa, ıdeologqa aınaldy. Pálen ǵasyr ózgege qul bolǵan qytaıdyń memleketshildigin, ulttyq namysyn oıatýǵa úlken úles qosqan bunyń qytaıǵa degen eńbegi sheksiz. Nátıjesinde, qara qytaıyńyz qazir baqaıshaǵyna sheıin ultshyl.
Búginde Qytaıdyń kommýnısteri men ultshyldarynyń bas paıǵambary da osy Lý Shýn.
Men keıde bizdiń orysshyl tobyrdy kórgende "biz de burynǵy aýrý qytaıdyń kezeńinde júrmiz - aý" dep oılap qalamyn. Alda jalda bizdi basqynshy basyp alyp, televızordan "fashıstter, shoqaıshyldar" dep jala jaýyp, bizdiń ultjandy azamattardy alańǵa alyp shyǵyp asyp jatsa, bizdiń máńgúrttengen, ulttyq sanasy oıanbaǵan tobyr da olarǵa "arandatýshylar, fashıster, batystyń ıtarshylary" dep zyǵyrlanyp, kelemejdep qarap turatyn tárizdi...
Oljas Ábil
"Adyrna" ulttyq portaly
