Qazaqstandyq sportşylar Majarstanda ötken halyqaralyq turnirdı bes altyn, tört kümıspen aiaqtady, dep habarlaidy "Adyrna" tılşısı.
Majarstannyŋ Debresen qalasynda bokstan İştvan Bochkai atyndaǧy halyqaralyq turnirı öz märesıne jettı.
Ūlttyq Olimpiada komitetınıŋ resmi saitynda turnirdıŋ nätijesı jariialandy.
Komitet aqparatynşa, Qazaqstan ūlttyq qūramasynyŋ 9 sportşysy finalǧa deiın jetken. Bylǧary qolǧap şeberlerı bes altyn, tört kümıske ie boldy.
Altyn medal jeŋıp alǧan Ashat Jüsıpov, Asyljan Serıkbai, Beibarys Jeksen, Ertuǧan Zeinullinov jäne 80 kelı salmaqtaǧy Erasyl Jaqpekov. Ashat Jüsıpov finalda Ukraina ökılı Andrei Tişkovespen bokstasyp, qarsylasynan basym tüstı. Aqtyq märede baq synap, chempion atanǧan basqa qazaqstandyq boksşylar Majarstan ökılderımen betpe-bet kelgen. Al Asyljan Serıkbai Roland Vereştı tıze büktırse, Beibarys Jeksen Kruzito Kovachtan basym tüstı.
Boksşy Ertuǧan Zeinullinov Richard Kovachty, Erasyl Jaqpekov Pal Kovachty jeŋıp, altyn iegerı atandy.
Al tört sportşy finalda qarsylasyna ese jıberıp, kümıstı qanaǧat etken. Ekınşı oryn ielengen qazaqstandyq boksşylar qatarynda Daniial Säbit, Kenje Mūratūly, Sabyrjan Aqqalyqov jäne Temırlan Mūqataev bar.
Ūqsas jaŋalyqtar
