Semeı qalasynyń ákimi Ermak Sálimov medıına qyzmetkerlerin kásibı merekelerimen quttyqtady. Qala basshysy erekshe kózge túsken dárigerlerdi marapattap, qurmet gramotalaryn tabys etti.
- Dáriger eń izgi mamandyq, - dedi Ermak Bıdahmetuly. – Sizderdi kásibı merekelerińizben quttyqtaǵym keledi. Sizderge baqyt jáne aýyr jumystaryńyzǵa tabys tileımin.
Kezdesý barysynda E. Sálimov medıına ýnıversıtetiniń rektory Ersin Júnisovpen ózara yntymaqtastyq týraly Memorandýmǵa qol qoıdy. Bul qujattyń kómegimen joǵary oqý orny Abaı alańyn óz qamqorlyǵyna alatyn bolady.
- Medıınalyq ýnıversıtet bizge Abaı alańyn berý týraly ótinish bildirdi. Olar osy aýmaqta sapaly abattandyrý jumystaryn júrgizgisi keledi. Basqa oqý oryndary da úlgi alar degen nıetpen bul usynysty qabyl aldyq. Únemdelgen qarjy qalanyń shetki bólikterine jumsalady, - dedi Ermak Bıdahmetuly.
Sonymen qatar, osy memorandým aıasynda ákimdik melkombınat kóshesindegi ǵımaratty medýnıversıtettiń kommýnaldyq menshigine berdi.
- Bul nysan halyq qajettiligine paıdalanylýy tıis, - dedi qala ákimi. - Memorandýmda kórsetilgen úshinshi másele-medıına qyzmetkerlerin turǵyn úımen qamtamasyz etý. Qazir Qaraǵaıly yqsham aýdanynda úıler salynyp jatyr. Dárigerler turǵyn úı qurylys jınaq banki arqyly memlekettik baǵdarlama boıynsha turǵyn úı ala alady, -dedi Ermak Bıdahmetuly.
"Adyrna" ulttyq portaly
