«Maıqaıyńaltyn» AQ taý-ken aýdanynda apanǵa qulaǵan avtobýstyń bólshekteri men qutqarýshylardyń kaskasy tabyldy. Bul jaıly jýrnalıst Ońǵar Qabden oqıǵa bolǵan jerden aqparat taratty, dep habarlaıdy “Adyrna” ulttyq portaly.
Aıta keteıik, apattyń bolǵanyna 14 kún boldy. Qutqarý jumystary jalǵasýda.
Eske sala ketsek, 4 qańtarda Pavlodar oblysy Baıanaýyl aýdanynda «Maıqaıyńaltyn» AQ shahtasyna qutqarýshylar mingen avtobýs qulap ketti.
«Apat kezinde avtobýsta 4 adam bolǵan: KÁAQQ ROSh Pavlodar fılıalynyń 3 qutqarýshysy men 1 júrgizýshi. Shahtadan 33 jumysshy evakýaııalandy, olardyń ómiri men densaýlyǵyna qaýip tóngen joq», – dep habarlady bastapqyda Oblystyq tótenshe jaǵdaılar departamenti.
Keıin «Kásibı áskerılendirilgen avarııalyq-qutqarý qyzmeti» TJD qutqarýshylary qumnan 2 adamnyń máıiti tabylǵanyn jarııalady.
5 qańtarda kenish aýmaǵynda izdestirý-qutqarý jumysy aıaqtalmaǵany, shahtaǵa qulap ketken 2 adam áli tabylmaǵany málimdeldi.
