Semeı ákimi qundy qujatpen tanysty

2036
Adyrna.kz Telegram

Semeı qalasynyń ákimi Ermak Sálimov Abaı murajaıynda bolyp, 1885 jylǵy qundy qujatpen tanysty.
Murajaıy qyzmetkerleri qala ákimine Tatarstandaǵa ǵylymı-zertteý jumysy barysynda N.I.Lobochavskıı atyndaǵy Qazan memlekettik ýnıversıteti kitaphanasynan 1885 jyly Qaramola jerinen tabylǵan "Qarapaıym qazaqtarǵa arnalǵan Kodeks" Birinshi quqyqtyq qujatynyń túpnusqasy tabylǵanyn aıtty. Onda Abaı Qunanbaev tóraǵa bolyp saılanǵan bolatyn.
– Shynynda da, biregeı olja, - dedi Ermak Bıdahmetuly. -Tabylǵan qujat uly oıshyldyń qoǵamdyq ómiri jaıynda mol maǵulmat beredi. Bul jumystar "Rýhanı jańǵyrý" baǵdarlamasy aıasynda ótkizildi. Murajaı qyzmetkerleriniń osy baǵytta atqarǵan eńbegi zor.
Mamandardyń aıtýynsha, zań arab shrıftimen shyǵarylǵan. Fılologııa ǵylymdarynyń doktory, professor Araı Espenbetov qujatty muqııat qarap, tipti birneshe joldy aýdara aldy.
- Bul óte mańyzdy qujat, ony mindetti túrde zertteý kerek, - dedi professor.
Abaı osy qujatty qurastyrýǵa qatysqan. Aqyn úsh kún boıy zańǵa baılanysty maqalalar jazdy. Qujat 1885 jyly mamyrda qabyldanyp, bir jyl ótken soń Qazan qalasyndaǵy Imperator ýnıversıtetiniń baspahanasynda shyǵaryldy
Mamandardyń aıtýynsha zań qurastyrý kezinde aqyn sol kezdegi adamdardyń ómirin jeńildetý úshin ár túrli jańalyqtardy usynǵan demokrat retinde sóz sóıledi.
Qazaqstan muraǵattary men kitaphanalarynda osy qujattyń túpnusqasy joq. Murajaı qorynda 1959 jyly jasalǵan kırıllıadaǵy mashınkamen basylǵan kóshirme ǵana saqtalǵan. Tabylǵan qujat faksımıldi nusqany basyp shyǵarýǵa jáne osy biregeı zańdy tereńirek zertteýge múmkindik beredi.

 

"Adyrna" ulttyq portaly

Pikirler