Mańǵystaý oblystyq kópbeıindi aýrýhanasynda endi kardıohırýrg-dárigerler júrekke ota jasaý úshin tósti tereń tilmeı-aq, qabyrǵa aralyq shaǵyn kesindi arqyly aorta-koronarly shýnttaý operaııasyn jasaıdy, - dep habarlaıdy oblystyq aýrýhananyń baspasóz qyzmeti.
Kardıohırýrg-dáriger Ábýnasyr Sýhanovtyń aıtýynsha, buǵan deıin aorta-koronarly shýnttaý operaııasy klassıkalyq jolmen jasaldy. Iaǵnı, ota kezinde naýqastyń tósin aramen 25 sm deıin kesetin edi. Al qazir ońtaıly ádis arqyly naýqasqa qaýipsiz ári jeńil túrde ótetin operaııany engizdi.
«67 jastaǵy aqtaýlyq turǵynǵa qabyrǵa arasynan 5-7 sm kesindi arqyly aorta-koronarly shýnttaý operaııasy jasaldy. Úsh shýnt jasadyq, qazirgi tańda naýqastyń jaǵdaıy jaqsy. Erkin qozǵalyp, qolyn aýyrsynýsyz kótere alady. Eger biz tósin kesý arqyly ota jasaıtyn bolsaq, onda naýqas 6 aı boıy arqasymen jatatyn edi. Al qazir naýqas otadan keıingi úshinshi kúni ózdigenen júredi», - dedi kardıohırýrg-dáriger Ábýnasyr Sýhanov.
Sonymen qatar atalǵan otanyń tıimdiligi – tóstiń ashylý qaýpi bolmaıdy, ońaltý kezeńi tez júredi, tilik kólemi az bolǵandyqtan naýqas kóp qan joǵaltpaıdy.
«2022 jyly júregim aýyryp, ota jasalyp, tórt ret stend qoıdyrǵan edim. Bir-eki jyldan soń qaıta júregim aýyra bastady. Oblystyq aýrýhanada kardıohırýrg Ábýnasyr Sýhanov inime ota jasaǵan eken, nátıjesin kórip, men de júregime ota jasatýǵa sheshim qabyldadym. Qazir jaǵdaıym jaqsy, eshqandaı aýyrsyný joq. Aýrýhana dárigerleri men medbıkeleri de jaqsy qarap jatyr. Ábýnasyr Jetpisulyna jáne aýrýhana basshylyǵyna alǵysym sheksiz», - dedi naýqas B. Satkanov.
Aıta keteıik, endi oblys turǵyndary Astana men Almatyǵa barmasa da bolady. Sebebi bilikti dárigerler kardıologııalyq kúrdeli operaııalardy oblystyq kópbeıindi aýrýhanasynda jıi jasap jatyr. Josparly operaııalar mindetti áleýmettik medıınalyq saqtandyrý, al shuǵyl ota medıınalyq kómektiń kepildik berilgen kólemi boıynsha júrgiziledi.
