Pavlodardyń burynǵy ákimi Erjan Imanzaıypov Pavlodar oblysynyń energetıka jáne turǵyn úı-kommýnaldyq sharýashylyq basqarmasyna basshy boldy. Bul týraly Pavlodar oblysy ákiminiń baspasóz qyzmeti málimdedi, dep habarlaıdy “Adyrna” ulttyq portaly.
Málimet boıyna, burynǵy ákimdi jańa qyzmetke taǵaıyndaý týraly ókimge óńir basshysy qol qoıǵan.
Eske sala keteıik, 2023 jyldyń qyrkúıeginde oblys ákiminiń ókimimen Erjan Imanzaıypov qaramaǵyndaǵy qyzmetkerlerge qatysty jemqorlyq daýy bolyp, Pavlodar qalasy ákimi qyzmetinen ketken edi.
Erjan Imanzaıypovty qyzmetten alyp tastamas buryn óńir ákimi Asaıyn Baıhanov Pavlodar aktıvimen kezdesýde qaramaǵyndaǵylar arasynda sybaılas jemqorlyqtyń aldyn alý boıynsha jumysty tıisinshe uıymdastyrmaý, qala turǵyndary úshin oblys ortalyǵyn damytý jáne abattandyrý jónindegi mańyzdy jobalardyń iske asyrylýy talap etiletin baqylaýdyń bolmaýy, sonymen qatar qala ákimdiginiń Pavlodar halqymen kommýnıkaııasynyń álsireýi degen syn-pikirler qyzmetten bosatýǵa sebep bolǵanyn aıtady.
2023 jyldyń 1 qyrkúıeginde Asaıyn Baıhanov májilis otyrysynda Pavlodar ákiminiń jumystan shyǵarylýy onyń kómekshisine qatysty tergeýdiń bastalýyna baılanysty ma degen suraqqa jaýap berdi. Sonda ol óńirdiń sybaılas jemqorlyqqa qarsy qyzmetiniń aqparatyna sáıkes, eshkimniń qamaýǵa alynbaǵanyn habarlady.
Erjan Imanzaıypov ár jyldary Pavlodardyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminde, Indýstrııa jáne saýda mınıstrliginiń qurylys jáne TKSh isteri komıtetinde, tabıǵı monopolııalardy retteý agenttiginde jumys istegen.
Odan bólek, Aqmola oblysynyń tabıǵı monopolııalardy retteý departamenti dırektorynyń orynbasary, tabıǵı monopolııalardy retteý agenttigi departamenti dırektorynyń orynbasary qyzmetterin atqardy.
- 2014 jyldan 2017 jylǵa deıin Pavlodar ákiminiń orynbasary, Ekibastuz ákiminiń orynbasary laýazymyn atqardy.
- 2017 jyldan 2019 jylǵa deıin Pavlodar oblysynyń energetıka jáne turǵyn úı-kommýnaldyq sharýashylyq basqarmasynyń basshysy bolyp jumys istedi.
- 2019 jyldan 2020 jylǵa deıin Ekibastuz qalasynyń, keıin Pavlodar qalasynyń ákimi boldy.
- 2023 jyldyń 12 qyrkúıeginde Pavlodar qalasynyń ákimi Hasar Habylbekov boldy. Osy taǵaıyndaýǵa deıin ol Pavlodar oblysy ákiminiń birinshi orynbasary qyzmetin atqarǵan.
