Ädıldıktıŋ Aq joly Almatynyŋ Nūrsūltan köşesı Zamanbektıŋ atymen atalǧanda bastalady.
Körnektı memleket jäne qoǧam qairatkerı Zamanbek Nūrqädılov tırı bolǧanda erteŋ 2024 jyly 15 qaŋtarda 80 jasqa tolar edı…
El bügın osyǧan orai esıl erdıŋ äruaǧyna baǧyştap, Almatyda as berıp, eske alu ıs-şarasy ötıptı.
Peiışte ruhy şalqi bergei.
Qaisar qairatker Zamanbek turaly zamandastary estelıkter aityp, QR Prezidentınıŋ keŋesşısı- Prezidenttıŋ baspasöz hatşysy Berık Uäli Memleket basşysy Qasym-Jomart Toqaevtyŋ hatyn oqyp berıptı.
Hatta Zamanbek Nūrqadılovtıŋ tuǧan jerı - Almaty oblysy Kegen audanynda eskertkış, al Almatyda tūrǧan üiıne eskertkış taqta ornatylatyny jazylǧan.
Ädıl Qazaqstannyŋ lebı ese bastaǧandai, el jappai quana qoldap jatyr.
Ūzaǧynan süiındırsın! İmandy da, igılıktı ıs jalǧasyn taba bersın dep tıledık.
Osydan 19 jyl būryn Zamanbek Nūrqädılov 2005 jyldyŋ 12 qaraşasynda öz üiınde qaiǧyly qazaǧa ūşyraǧanda, bızdıŋ bilıktıŋ betı bülk etpei: “Nūrqadılov özın-özı üş ret atyp öltırdı” dep bylş etkızdı…
Qaza bolarynan onşaqty kün būryn men Zaqaŋnan sol kezde ötıp jatqan prezident sailauyna bailanysty sūqbat alyp edım. Zaqaŋ üi telefonynda ūzaq äŋgıme aitqan edı sonda. Qasyndaǧy oppozisiiada bırge jürgen ınılerıne de ökpesın aityp qalyp edı tūspaldap… Zaqaŋnyŋ būl sūqbaty sol kezde “Qazaq ünı” gazetınde jariialandy…
Sol kezde men özım basqaratyn respublikalyq “Qazaq ünı” (“Jas qazaq ünı”) gazetınıŋ bırınşı betıne Zamanbektıŋ portretın jariialap, “Atqyzǧan kım? Atqan kım”-dep qaraly qazanama jazyp edım…
Tura sodan üş ai uaqyt ötkende, 2006 jyly 11 aqpanda belgılı saiasatker Altynbek Särsenbaiūly da üş serıgımen qaza tapqanda: “Altynbek te kettı! Al taǧy kım?!”-dep, Altekeŋnıŋ ülken suretın gazettıŋ bırınşı betıne tūtas berıp, qazanama jazdym.
Basqa eşqandai basylym däl “Qazaq ünı” gazetındei etıp qazanama berıp, joqtai alǧan joq Zamanbektıŋ de, Altynbektıŋ de qazasynda. Tıptı, Altekeŋnıŋ özı bilıkte jürgende, Aqparat ministrı kezınde bas redaktor etken, sol kezde memlekettık gazetterdıŋ basşylyǧynda otyrǧan dostarynyŋ köbısı joqtau tügılı, bır auyz nekrolog jazuǧa da jaramady. Men būl sözımdı keiın “Dat” basylymyna sūqbat bergende de aittym…
Bır bıletınımız tek Jüsıpbek Qorǧasbek qana qairat körsete bıldı.
Zamannyŋ erı Zamanbektıŋ zamany tuatyn kez keldı!..
Ädıldıktıŋ Aq joly otyz jyl oiyna kelgenın ıstegen ozbyr bilıktıŋ künı tolyq bıtkende, Qaŋtar qasıretı bolǧan Almaty köşesınen Nūrsūltannyŋ aty joiylyp, Zamanbektıŋ atymen atalǧanda bastalady…
Qazybek İsa
