Jýrnalıst Ashat Nııazov WhatsApp akkaýyntynyń buzylǵanyn málimdedi. Aıtýynsha, ózinen bólek áıeli, ata-anasy men áriptesi Nazymgúl Kúmispaeva da hakerlik shabýyl jasalǵan, dep habarlaıdy «Adyrna» tilshisi.
«Dostar, meniń WhatsApp qosymsham buǵattaldy. Túnde áıelimniń, ata-anam men áriptesim Nazymgúldiń jelidegi qosymshasyna tosqaýyl qoıyldy. Ata-anamnyń ne qatysy bar? Nazymgúldiń qazir Instagram, Telegram jáne WhatsApp-y istemeıdi», – dedi ol.
Aıta keteıik, jýrnalıstiń áleýmettik jelilerine shabýyl 2023 jyldyń jeltoqsan aıynyń sońynda bastalǵan edi. Buǵan deıin Ashat Nııazov Youtube paraqshasynda myńdaǵan syn-pikir men balaǵat sózder jazylǵanyn habarlady. Jýrnalıst paraqshalarǵa jasalǵan shabýyldy «qorqytý talpynysy» deıdi.
Ashat Nııazov — «Obojaıý» jeke YouTube arnasynyń ıesi. Ol kópshilikke ákimder týraly baǵdarlama túsirý arqyly tanyldy.
