Журналист Асхат Ниязов әлеуметтік желідегі парақшасына шабуыл жасалғанын айтты, деп хабарлайды «Адырна» тілшісі.
«Менің желідегі парақшамда біртүрлі нәрсе болып жатыр. Бір мезгілде дерлік әйелімнің Instagram парақшасы мен әріптесім Назымгүлдің аккаунты бұғатталды. Түнде менің Telegram каналыма шабуыл жасалды», — деді ол.
БАҚ өкілінің айтуынша, қазіргі таңда техникалық қолдау бұл мәселені қарастырып жатыр.
Айта кетейік, Асхат Ниязов — «Обожаю» жеке YouTube арнасының иесі. Ол көпшілікке әкімдер туралы бағдарлама түсіру арқылы танылған еді.
