AQSh pen Ulybrıtanııa Iemenniń soltústiginde bılik etetin «Ansar Allah» qozǵalysynyń (hýsıtterdiń) áskerı nysandaryna soqqy jasady, dep habarlaıdy «Adyrna» tilshisi Reuters-ke silteme jasap.
«AQSh pen Ulybrıtanııa qozǵalystyń Qyzyl teńizdegi kemelerge shabýylyna jaýap retinde Iemendegi hýsıtterdiń áskerı nysandaryna áýeden jáne teńizden soqqy berdi»,- delingen habarlamada.
Onyń saldarynan Sana halyqaralyq áýejaıy amerıkandyq-brıtandyq koalıııanyń jappaı bombalaýyna ushyrady. Budan bólek El-Hodeıda, Saada jáne Damar provınııalaryna da shabýyl jasaldy.
Hýsıtter tobynyń basshysy Abdýlkader ál-Mortada bul jaǵdaıǵa qatysty málimdeme jasady.
«Amerıkalyqtar men brıtandyqtardyń qoqan-loqqysy bizdi qorqytqan joq. Tipti qorqytpaıdy da. Bolyp jatqan jaǵdaı bizdi Gazadaǵy baýyrlarymyzdy qoldaý mindetimizden bas tartýǵa májbúrlemeıdi»,—dedi ol.
Aıta keteıik, Iemenniń basym bóligin basyp alǵan hýsıtter HAMAS-qa (keıbir elde terrorıstik uıym dep tanylǵan — red.) qoldaý kórsetý úshin aımaqtaǵy keme joldaryna shabýyl jasaǵan edi. Olardyń áreketi Eýropa men Azııa arasyndaǵy mańyzdy saýda baǵyttaryn buzyp, túrli keme kompanııalarynyń aımaqtaǵy jumysynyń toqtaýyna sebep boldy.
