IIM: Qazaqstanda mıtıng kezinde 4 myń adam ustaldy

103

Qazaqstanda mıtıng kezinde 4 myń adam ustalǵan. Bul jóninde Ishki ister mınıstri Erlan Turǵynbaev málimdedi. «Maýsym aıynyń 9,10, 11 jáne 12-i kúnderi Qazaqstan qalalarynda Bas prokýratýra men IIM eskertýine qaramastan zańsyz mıtıngter ótti. Sherýge shyqqan azamattar «Mıtıng, sherý, demonstraııa» týraly zańdy buzdy. Zańda qandaı da bir mıtıng ótkizbes buryn jergilikti atqarýshy bılik organdarynan ruqsat alý kerektigi jóninde anyq aıtylǵan. Jergilikti atqarýshy organdardyń ruqsaty boıynsha ǵana mıtıngter ótýi tıis» - dedi Turǵynbaev. Mınıstrdiń sózinshe, polıııa qyzmetkerlerine arnaıy quraldar paıdalanbaýǵa buıyryq berilgen jáne mıtıng kezinde 4 myńǵa jýyq adam ustalǵan. «Polıııa tártipsizdikterge qarsy qoldanatyn qural-jabdyqtarmen qamtamasyz etilgen. Ol gaz balony, dýbınka. Biraq olar ony qoldanǵan joq. Tek fızıkalyq kúsh kórsetildi. 4 myńǵa jýyq azamat ustaldy» - dep málimdedi Turǵynbaev. Vedomstva basshysynyń aıtýynsha, 3 myń adamǵa protokol toltyrylyp, sol sátte bosatylǵan. 677 adam sot sheshimi boıynsha qamaýǵa alynǵan.  305 adamǵa aıyppul salynǵan. Esterińizge salaıyq, maýsym aıynyń 9,10,11,12-i kúnderi aralyǵynda Almaty, Nur-Sultan (Astana), Shymkent, Aqtóbe sııaqty iri qalalarda kezekten tys prezıdent saılaýyna qarsy mıtıngter ótken. Oǵan myńdaǵan adam qatysyp, aqyry jappaı ustalýlarǵa ulasqan.

 

Derekkóz: https://qazaqtimes.com/article/63997?fbclid=IwAR2PXFRHRNSZIoWm3LD3zBLJi3qWmGlfukU6iycjOqOAeUz0-G7H2eBnngY

"Adyrna" ulttyq portaly

Pikirler