Búgin Parlament Májilisiniń Áleýmettik-mádenı damý komıtetiniń otyrysy ótti. Depýtattar Mádenıet jáne sport mınıstri laýazymyna taǵaıyndalatyn Aqtoty Raıymqulovanyń kandıdatýrasyn qoldady, dep habarlaıdy QR Parlamenti Májilisiniń baspasóz qyzmeti.
Bul másele «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýııalyq zańynyń 22-1-babyna sáıkes Komıtet otyrysynda qaraldy. Premer-Mınıstrdiń tapsyrmasy boıynsha kandıdatty Premer-Mınıstr Keńsesiniń Basshysy Ǵalymjan Qoıshybaev tanystyrdy.
Májilistiń Áleýmettik-mádenı damý komıtetiniń músheleri A. Raıymqulovaǵa birqatar suraqtar qoıdy. Qazaqstan Respýblıkasy Parlamenti Májilisi Áleýmettik-mádenı damý komıteti otyrysynyń qorytyndysy boıynsha «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýııalyq zańynyń 22-1-babyna sáıkes Qazaqstan Respýblıkasynyń Premer-Mınıstri usynǵan Aqtoty Rahmetollaqyzy Raıymqulovanyń kandıdatýrasy Mádenıet jáne sport mınıstri laýazymyna taǵaıyndaý úshin usynyldy.
Otyrys sońynda depýtattar kandıdatqa aldaǵy jumysynda tabys tiledi.
Derekkóz: https://politic.bugin.kz/5100-madeniet-dgane-sport-ministri-auysty
"Adyrna" ulttyq portaly
